काठमाडौं । चलचित्र ‘चमेलीको पोइ’को छायांकन सकिएको छ । ३४ दिनको नियमित छायांकनपछि चलचित्र सकिएको हो । एभरेष्ट सूर्य बोहरा निर्देशित यो चलचित्र मंगलबार मुस्ताङको मुक्तिनाथ मन्दिरमा ‘इन्डक्ल्याप’ गरिएको हो । नयाँ वर्षको अवसर पारेर वैशाख १ गते बूढानीलकण्ठ मन्दिरमा पूजा गर्दै शुभ साइत गरेको चलचित्रले २ गतेदेखि मुस्ताङ पुगेर छायांकन सुरु गरेको थियो ।
चलचित्रमा मुकुन भुसाल, सुरक्षा पन्त, नारायण त्रिपाठी विल्सनविक्रम राई (तक्मे बुढो), रवीन्द्र झा, रजनी गुरुङ, अंशु महर्जन, उमेश राई (फुलन्देकी आमा), बविन राई (गल्फने), खड्गबहादुर पुन (खबपु), अनुश्का नारायण, मिरा गौतम, अनिल गुरुङ, गणेश गौतम, रितु मल्ल ठकुरी, धनलक्ष्मी बोहरा, मिरा आरएल शाही ठकुरी, प्रकाश कँडेल, विनोद बज्राचार्य, कपिल आचार्य, प्रदीपकुमार सापकोटा, सुनिता सापकोटा, रामनारायण उपाध्याय र निर्देशक बोहराको समेत अभिनय छ ।
एभरेष्ट सूर्य बोहरा फिल्मस्सँगको सहनिर्माणमा धनलक्ष्मी सिने मेकर्सको निर्माण रहको चलचित्रका निर्मातामा सुनिता सापकोटा र रामनारायण उपाध्याय, कार्यकारी निर्मातामा उदयविक्रम राणा र रितु मल्ल ठकुरी रहनुभएको छ ।
प्रदीपकुमार सापकोटा, कपिल आचार्य, यमप्रसाद ओली, यम बराल, नारायण त्रिपाठी र सुदिप कुँवर सहनिर्माता रहेको यो चलचित्रलाई निर्देशक बोहरा स्वयंले लेख्नुभएको हो । सहलेखनमा उहाँलाई शिवम् अधिकारीले सघाउनुभएको छ । पारिवारिक कथानक ‘चमेलीको पोइ’ को गीतमा शम्भुजित बाँस्कोटा, राजनराज शिवाकोटी र आशिष अविरलको संगीत छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच