इलाम । चलचित्र पत्रकार संघको राष्ट्रिय भेला इलामको श्रीअन्तुमा बुधबारदेखि सुरु भएको छ । संघको २६औं स्थापना दिवसको अवसर पारेर आयोजना गरिएको भेला तीन दिनसम्म चल्नेछ । भेलामा पत्रकार ध्रुव लम्साल, विष्णु सुवेदी, नरेन्द्र बस्नेत (कोशी), जीवनकुमार पराजुली, वर्षा बस्नेत, रश्मी थापा, तुलसीप्रसाद निरौला (कोशी)लाई विभिन्न विधामा नगदसहित सम्मान गरिएको छ ।
कार्यक्रममा चलचित्र विकास बोर्डका अध्यक्ष दिनेश डिसी, वरिष्ठ कलाकार वसुन्धरा भुसाल, नायक शिव श्रेष्ठ, कलाकार गौरी मल्ल, अभिनेता दीपकराज गिरी, नेपाल चलचित्र कलाकार संघका अध्यक्ष मोहन निरौला, नेपाल चलचित्र निर्देशक समाजका अध्यक्ष जनकदीप पराजुली, चलचित्र निर्माता पुनम क्षेत्री, निर्देशक तथा कोरियोग्राफर रेनासा वान्तावा राई, निर्माता प्रज्वल राणा, निर्देशक मिलन चाम्स, नेपाल चलचित्र संघका अध्यक्ष नरेन्द्र महर्जन, निर्माता प्रेमकुमार श्रेष्ठलगायतको आतिथ्यता रहेको छ । भेलामा सिनेमा पर्यटन महोत्सव, कार्यशाला, मिडिया मन्थन सिनेमा संवाद र अन्तक्र्रियाका कार्यक्रम तय गरेको छ ।
बालचलचित्र महोत्सव
चलचित्र क्षेत्रमा रुचि राख्ने र यसमा भविष्य बनाउन चाहने बालबालिकालाई लक्षित गर्दै मंगलबारदेखि इलाममा ‘बालचलचित्र महोत्सव’ सुरु भएको छ । महोत्सव जेठ १० गतेसम्म जारी रहनेछ । महोत्सव उद्घाटन गर्दै चलचित्र विकास बोर्डका अध्यक्ष दिनेश डिसीले गृहथलोमा यस किसिमको महोत्सव आयोजना हुनु आफंैमा सकारात्मक र सार्थक प्रयास भएको बताउनुभयो । इलाम नगरपालिका र चलचित्र बोर्डको सहकार्यमा आयोजित महोत्सवको पाँच दिनसम्म विभिन्न कार्यक्रम राखिएका छन् । त्यसअन्र्तगत सेलिब्रेटीसँग बालबालिकाको साक्षात्कार गराइनेछ । साथै, बालचलचित्र पनि प्रदर्शन गरिनेछ । बालचलचित्र निर्माणसम्बन्धी प्रशिक्षणसमेत दिइने महोत्सवमा चलचित्रका विभिन्न गतिविधि सञ्चालन हुनेछन् ।
इलाम नगरपालिकाको सभाहलमा सञ्चालित महोत्सवको पहिलो दिन ३५ जना बालबालिकालाई चलचित्र निर्माणबारे तालिम दिइएको थियो । निर्देशक तथा निर्माता बद्री अधिकारीले तालिमको सहजीकरण गर्नुभएको थियो भने संयोजन कोशी प्रदेश चलचित्रकर्मी संघका अध्यक्ष केवल तामाङले गर्नुभएको थियो । कार्यक्रम उद्घाटन इलाम नगरपालिकाकी उपप्रमुख विष्णु दाहालले गर्नुभएको थियो ।
जिल्लामा रहेका विद्यालय, बालक्लब, बाल समुदायबाट समावेशी प्रतिनिधित्व हुने गरी कार्यशाला आयोजना गरिएको हो । कार्यशालामा कक्षा ७ देखि ९ सम्म अध्ययनरत १५ वर्षमुनिका बालबालिका सहभागी छन् ।
निर्देशक अधिकारीसहित लेखन, छायांकन, सम्पादन र संगीत विधाका तीन जनाले प्रशिक्षण दिनेछन् । नेपाली चलचित्रको विकास, विस्तार र प्रवद्र्धन, चलचित्र साक्षरता अभिवृद्धि, दक्ष चलचित्रकर्मी उत्पादन एवं बालबालिकालाई आफ्ना कथा भन्ने र हेर्ने वातावरण सिर्जना गर्नका लागि कार्यशाला आयोजना गरिएको जनाइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच