काठमाडौं । मेरियट इन्टरनेसनलसँगको सहकार्यलाई निरन्तरता दिँदै सिजी हस्पिटालिटीले नयाँ होटल शृंखला ‘सिरिज बाइ मेरियट’ सुरुवात गरेको छ । सिजी हस्पिटालिटीले आफ्नो बहुमत सेयर रहेको कम्पनी कन्सेप्ट हस्पिटालिटीमार्फत् मेरियट इन्टरनेसनलसँग उक्त साझेदारी घोषणा गरेको हो । जुन नयाँ होटल शृंखला भारतको प्रसिद्ध वातावरणमैत्री होटल चेन द फर्नसँगको सहकार्यमा सुरु गरिएको कम्पनीले जनाएको छ । सहकार्यले सिजी हस्पिटालिटीको नेपाल, संयुक्त अरब इमिरेट्स, श्रीलंका र फिलिपिन्स जस्ता मुख्य बजारहरूमा बढ्दो उपस्थिति थप सुदृढ बनाउने कम्पनीले विश्वास लिएको छ ।
सिजी हस्पिटालिटी सिजी कर्प ग्लोबलअन्तर्गत सञ्चालनमा रहेको आतिथ्य कम्पनी हो । सम्झौताअनुसार द फर्न, फर्न रेसिडेन्सी र फर्न हेबिटाट अब म्यारियटको अन्तर्राष्ट्रिय प्रणालीमा समावेश हुनेछन् । हाल कन्सेप्ट हस्पिटालिटीअन्तर्गत ९० भारतीय शहरमा एक सय २० भन्दा बढी होटल सञ्चालनमा छन् भने ४० होटल विस्तारका क्रममा छन् । नयाँ सम्झौताबाट करिब ८४ वटा फर्न ब्राण्डका होटल र करिब छ हजार कोठा म्यारियटको भारतस्थित पोर्टफोलियोमा थपिनेछन् । सम्झौतामा म्यारियटले कन्सेप्ट हस्पिटालिटीमा लगानी गर्ने र भारतमा फर्न ब्राण्डका लागि विशेष सह–ब्राण्डिङ गर्नेछ । सम्झौतासँगै फर्न होटलहरूले म्यारियटको अन्तर्राष्ट्रिय बुकिङ प्रणाली, प्रविधि तथा करिब २३ करोड ७० लाख सदस्य रहेको ‘बोनभोय लोयल्टी प्रोग्राम’ को फाइदा लिन सक्नेछन् ।
सिजी हस्पिटालिटीले ‘द फर्न’ लाई वातावरणमैत्री र उच्चस्तरीय आतिथ्य सेवाको एक अग्रणी ब्राण्डका रूपमा स्थापित गर्दै विश्वव्यापी यात्रा तय गर्दै आएको छ । यसअघि सिजी हस्पिटालिटीले फिलिपिन्सस्थित फार्म एट सान बेनिटोलाई पनि म्यारियटको ‘अटोग्राफ संग्रह’ ब्राण्डमा सञ्चालन गर्ने घोषणा गरिसकेको छ । कम्पनीका अनुसार सिजी कर्प ग्लोबलअन्तर्गत दुई सयभन्दा बढी कम्पनी, दुई सय ६० भन्दा बढी ब्राण्ड र २० हजारभन्दा बढी कर्मचारी कार्यरत रहेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच