काठमाडौं । संस्कृति, पर्यटन तथा नागरिक उड्डयन मन्त्रालयअन्तर्गतको नेपाल माउण्टेन एकेडेमीका कार्यकारी अधिकृत (उपसचिव) अनिल किरातीले मनाङ जिल्लाको सात हजार १२६ मिटर अग्लो हिमलुङ हिमालको सफल आरोहण गर्नुभएको छ । किरातीले एकेडेमीको बिएमएस आठौं सेमेस्टरका विद्यार्थीहरूको टोलीसहित यो हिमाल आरोहण गर्नुभएको हो । हिमलुङ हिमाल आरोहण गर्ने किराती नै नेपाल सरकारका पहिलो उपसचिव भएको बताइएको छ । नेपाल माउण्टेन एकेडेमीका अध्यक्ष उङ्दी छिरिङ शेर्पाका अनुसार एकेडेमीका कार्यकारी अधिकृतसहितको दुई टोलिले २०८२ जेठ १ र २ गते हिमलुङको शिखरमा पाइला टेक्न सफल भएको थियो । नेपालको भावी पर्वतारोही पुस्तालाई तयार पार्ने उद्देश्यले एकेडेमीले लामो समयदेखि व्यावसायिक पर्वतारोहण शिक्षा तथा तालिम सञ्चालन गर्दै आएको छ ।
२०८२ वैशाख १० गतेदेखि सुरु भएको उक्त आरोहण टोलीमा विद्यार्थीहरू, प्रशिक्षकहरू, सरकारी अधिकारीहरू तथा अनुभवी गाइडहरू सहभागी थिए । जेठ १ गते सफल आरोहण गर्ने टोलीमा आइएफएमजिए माउण्टेन गाइड पासाङ किदार शेर्पा, कार्यकारी अधिकृत अनिल किराती, विद्यार्थीहरू विवेक शाखा, अलेक्ज्याण्डर लामा, विक्रम लामा, जोन बिप्र, प्रकाश गुरुङ, प्रकाश रिजाल, सञ्जीव केसी, फोटोग्राफर न्हुज्जा मानन्धर, क्लाइम्बिङ गाइडहरू फुर्वासर्की शेर्पा, लाक्पा दोर्जे शेर्पा र छेवाङ शेर्पा रहनुभएको थियो ।
जेठ २ गते सफल आरोहण गर्ने टोलीमा प्रमुख प्रशिक्षक तथा आइएफएमजिए माउण्टेन गाइड रितेन जाङ्बु (टासी) शेर्पा, विद्यार्थीहरू आशिष रावत, सुमन लिम्बु, सुजन सुवल, मिङमार छिरिङ शेर्पा, इशान काफ्ले, सजल न्यौपाने, सुयोग न्यौपाने र सौगात खड्का, क्लाइम्बिङ गाइडहरू टेन्डी शेर्पा, ओङेल शेर्पा, सोनाम शेर्पा रहनुभएको थियो ।
एकेडेमीले सञ्चालन गर्दै आइरहेको ब्याचलर अफ माउण्टेरिङ स्टडिज (बिएमएस)को आठौं सेमेस्टरका विद्यार्थीले प्रयोगात्मक कक्षाको रूपमा सात हजार मिटर अग्लो हिमालको आरोहण गरी प्रतिवेदन पेश गर्नुपर्ने पाठ्यक्रममै उल्लेख भएकाले यो आरोहण सञ्चालन गरिएको एकेडेमीका क्याम्पस प्रमुख शिवप्रसाद जैशीले बताउनुभयो । प्रयोगात्मक कक्षाको रूपमा बिएमएसको पहिलो सेमेस्टरमा रक/वाल क्लाइम्बिङ, दोस्रोमा कल्चरल टुर, तेस्रोमा बेसक्याम्प ट्रेकिङ, चौथोमा पाँच हजार मिटरसम्मको हिमाल आरोहण, सातौंमा ६ हजार मिटरसम्मको हिमाल आरोहण र आठौं सेमेस्टरमा सात हजार मिटरको हिमाल आरोहण गर्नुपर्ने व्यवस्था रहेको छ ।
अध्यक्ष शेर्पाका अनुसार यो सफलता अहिलेसम्मकै एकेडेमिको ठूलो सफलता हो र सफल हुने सबै विद्यार्थीलगायत प्रशिक्षकलाई काठमाडौं फर्किसकेपछि एक विशेष कार्यक्रम गरेर सम्मान गर्ने तय भइसकेको छ । यो सफलताले एकेडेमीको विद्यार्थीको पर्वतारोहण क्षमतालाई प्रमाणित गर्नुका साथै एकेडेमिलाई उच्च हिमाली शिक्षाको अध्ययन–अध्यापन गराउने अग्रणी शैक्षिक संस्थाको रूपमा स्थापित गर्न सहयोग गर्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच