काठमाडौं । सूर्य नेपाल गल्फ टुर २०२४-२५ अन्तर्गतको सातौँ प्रतियोगिता सूर्य नेपाल च्यालेन्ज प्रो-एमको उपाधि प्रोफेसनल खेलाडी रामे मगरको टिमले जितेको छ । रोयल नेपाल गल्फ क्लबमा रामेको टिमले १२४ अंकसहित उपाधि जितेको हो । एमेच्योर गल्फरहरू सत्यजंग रानाले ४४, सरोज थापाले ४१ र अञ्जली योञ्जनले ३९ स्कोर गर्नुभएको थियो ।
प्रो भुवन नगरकोटीको टिमले ११७ अंकसहित दोस्रो स्थान प्राप्त गरेको छ । टिमका एमेच्योर खेलाडीहरू रवीन्द्र पुरूष ढकाल, मुक्तिसेन गुरूङ र तारा कार्की चित्रकारले समान ३९ स्कोर गर्नुभएको थियो ।
यस्तै, प्रो रमेश अधिकारीको टिम ११४ स्कोरसहित तेस्रो भयो । एमेच्योर खेलाडीहरू स्वप्निल भट्टराईले ३९, फुन्सुक नोर्बु लामाले ३८ र स्वदेश गुरूङले ३७ स्कोर गर्नुभयो ।
महिलातर्फ अञ्जली योञ्जनले ३९ स्कोरमा राष्ट्रिय टिमकी खेलाडी तारा कार्की चित्रकारलाई काउन्ट ब्याकमा हराउँदै ट्रफी जित्नुभयो । यसैगरी झलेन्द्र भट्टराईले लंगेस्ट ड्राइभ र फुन्सुक नोर्बु लामाले क्लोजेस्ट टु दी पिनको उपाधि जित्नुभयो । प्रो–एममा कुल ९० एमेच्योर गल्फरको सहभागिता थियो ।
प्रतियोगिताका विजयी खेलाडीहरूलाई रोयल नेपाल गल्फ क्लबका अध्यक्ष मधुकर याक्थुम्बा, एनपिजिएका अध्यक्ष रवीन्द्रमान श्रेष्ठ र रोयल नेपाल गल्फ क्लबका क्याप्टेन मिथुन राईले पुरस्कार वितरण गर्नुभएको थियो ।
शनिबार सम्पन्न सूर्य नेपाल च्यालेन्जको उपाधि धरानका प्रो शुक्रबहादुर राईले कोर्स रेकर्डसहित जित्नुभएको थियो । उहाँले समग्रमा १७-अन्डर २५५ को प्रभावशाली स्कोरमा निरज तामाङलाई चार स्ट्रोकले हराउँदै उपाधि आफ्नो नाममा लेखाउनुभएको थियो । अब सूर्य नेपाल गल्फ टुर २०२४-२५ अन्तर्गत आठौँ तथा अन्तिम प्रतियोगिता सूर्य नेपाल प्रिमियर जुन १० देखि १३ सम्म गोकर्ण गल्फ क्लबमा हुनेछ । प्रो–एम जुन १४ मा हुने बताइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच