काठमाडौं । चलचित्र ‘परिवर्तन’ निर्माण घोषणा गरिएको छ । चलचित्र क्षेत्रमा तीन दशकभन्दा बढी समयदेखि सक्रिय निर्देशक विजय केरुङले नयाँ निर्देशन गर्ने हुनुभएको हो । ‘माझी दाइ’, ‘आमाको काख’ लगायतका दर्जनौं चलचित्र निर्देशन गरिसक्नुभएका केरुङको यस नयाँ प्रस्तुतिमा एक इमानदार प्रहरी अफिसरको कथालाई केन्द्रीय रूपमा प्रस्तुत गरिनेछ, जसले कानुनप्रतिको कर्तव्य र प्रेमप्रतिको दायित्वबीचको संघर्ष भोग्दै जान्छ । यो चलचित्रले नेपालको सिमाना सुरक्षाको संवेदनशीलता, भ्रष्टाचारको काला सञ्जाल, र गरिब, दुःखी तथा असहाय जनताको पीडादायी यथार्थलाई देखाउने जनाइएको छ ।
चलचित्रमा कलाकारहरू अञ्जना बराइली र सुशील श्रेष्ठ प्रमुख भूमिकामा देखिनुुहनेछ । यस चलचित्रमा सुनिल थापा, बुद्धि तामाङ, करिश्मा मानन्धर, आशा पौडेल, सुवास मेचे, पुकार भट्टराई, आएशा कार्की, गौतम तिवारी, यमनाथ खरेललगायत कलाकारको अभिनय रहनेछ । दिब्यासी फिल्मस् प्रा.लि.को व्यानरमा निर्माण हुने यस चलचित्रका निर्माता दीपक सिवाकोटी हुनुहुन्छ । सिवाकोटीले नै चलचित्रको कथा लेख्नुभएको हो ।
चलचित्रको पटकथा तथा संवाद शिवम् अधिकारीले तयार पार्नुभएको छ । छायांकन निर्देशन शिव ढकालले, सम्पादन भूपेन्द्र अधिकारीले, द्वन्द्व निर्देशन श्री श्रेष्ठले, नृत्य निर्देशन कमल राईले तथा पोष्टर तथा पब्लिसिटी डिजाइन रोयल भीमसेन र ट्राइडेन्ट कन्सेप्टले गर्नेछन् । निर्देशकको सहायकका रूपमा नवराज शर्मा रहनुभएको छ भने प्रोडक्सन हेड अरुण रेग्मी रहनुभएको छ ।
‘परिवर्तन’ चलचित्रको छायांकन आगामी हप्ताबाट सुरु हुने बताइएको छ । पूर्वी नेपालका विभिन्न जिल्लाहरूमा छायांकन हुने र यसै वर्षभित्र प्रदर्शनमा ल्याउने लक्ष्य निर्माण पक्षले लिएको छ । ‘परिवर्तन’ शीर्षकमा यसअघि पनि विसं २०२८ सालमा चलचित्र निर्माण भएको थियो, जसको निर्देशन हीरा सिंह खत्रीले गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर