नयाँदिल्ली । पञ्जाब किंग्स इण्डियन प्रिमियर लिग (आइपिएल) क्रिकेटको क्वालिफायर-१ मा प्रवेश गरेको छ । सोमबार राती जोश इंग्लिस र प्रियांश आर्यको अर्धशतकको मद्दतमा मुम्बई इण्डियन्सलाई सात विकेटले पराजित गर्दै पञ्जाब क्वालिफायर-१ मा प्रवेश गरेको हो ।
पञ्जाब किंग्स १० वर्षपछि छनोटमा प्रवेश गरेको हो । यसअघि टोलीले २०१४ मा छनोट खेल खेलेको थियो । टस हारेर पहिले ब्याटिङ गरेको मुम्बईले २० ओभरमा सात विकेट गुमाउँदै १८४ रन बनाएको थियो । जवाफमा पञ्जाबले १८.३ ओभरमा तीन विकेट गुमाउँदै लक्ष्य पूरा ग¥यो ।
श्रेयस अøयरको नेतृत्वमा रहेको टोलीले १४ खेलमा नौ जित र चार हारका साथ लिग चरण समाप्त गरेको छ । अर्कोतर्फ, मुम्बई आठ जित र छ हारसहित चौथो स्थानमा रहृयो । जबकि मुम्बईले मे ३० शुक्रबार एलिमिनेटर खेल खेल्नेछ ।
मुम्बई इण्डियन्सका स्टार ब्याट्सम्यान सूर्यकुमार यादवले उत्कृष्ट प्रदर्शन गर्नुभयो । आफ्नो अर्धशतकीय इनिङ्सका साथ उहाँले महान ब्याट्सम्यान सचिन तेन्दुलकरको १५ वर्ष पुरानो रेकर्ड तोड्नुभएको छ । उहाँ एकै सिजनमा मुम्बईका लागि सर्वाधिक रन बनाउने खेलाडी बन्नुभएको हो । उहाँले ३४ बलमा चालु सिजनको आफ्नो पाँचौं अर्धशतक पूरा गर्नुभयो र ५७ रन बनाएर पभेलियन फर्किनुभयो ।
यादवले १४ इनिङमा २५ वा सोभन्दा बढी रन बनाएर ठूलो उपलब्धि पनि हासिल गर्नुभएको छ । उहाँले १४ इनिङमा २५ वा सोभन्दा बढी रन बनाउने विश्व कीर्तिमान बनाउनुभएको हो । यस मामिलामा उहाँले दक्षिण अफ्रिकी कप्तान टेम्बा बाभुमालाई पछि पार्नुभएको छ, जसले १३ पटक २५ भन्दा बढी रनको इनिङ खेल्नुभएको थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच