काठमाडौं । ‘उत्तम शान्ति पुरस्कार’ नियात्राकृति ‘अक्षत अन्टार्कटिका’ सर्जक जीवा लामिछानेलाई प्रदान गरिएको छ । काठमाडौंमा आयोजित एक विशेष कार्यक्रममा प्राडा.वासुदेव त्रिपाठीले नियात्राकार लामिछानेलाई गैरआख्यान कृतिलाई मात्र प्रदान गरिने ‘उत्तम शान्ति पुरस्कार’ प्रदान गर्नुभएको हो । पुरस्कारका साथ नगद एक लाख एक रुपैयाँसमेत प्रदान गरिएको थियो ।
प्राडा.त्रिपाठीले लामिछानेलाई बधाई दिँदै उत्तम कुँवरसँगको आफ्नो सम्बन्धबारे चर्चा गर्नुभएको थियो । नियात्राकार लामिछानेले यो पुरस्कारले आफूलाई जिम्मेवारी थपेको महसुस भएको बताउनुभयो । उहाँले ‘अक्षत अन्टार्कटिका’ लेखनको रचनागर्भबारे चर्चा गर्नुभएको थियोे ।
समालोचक तथा साहित्यकार प्राडा.ज्ञानु पाण्डेले पुरस्कृत कृतिको चर्चा गर्नुभएको थियो । पुस्तकमा नियात्राकार लामिछानेको कवि हृदय छचल्किएको उहाँको जिकिर थियो । कार्यक्रममा डा.पार्थिवेश्वरप्रसाद तिमिल्सिना, पदवती सिंह, नयनराज पाण्डेले कृति, कृतिकार र गुठीका बारेमा आ–आफ्ना भनाइ राख्नुभएको थियो । लामिछानेको ‘अक्षत अन्टार्कटि’का फाइनप्रिन्टले बजारमा ल्याएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
अमेरिकी सेनाद्वारा थप पाँच इरानी
हिंसात्मक घटनाका दोषीलाई कारबाही गर्न
नेपालले अन्तर्राष्ट्रिय मञ्चमा सशक्त आवाज
रसुवा बाढीमा मृत्यु हुनेकाे संख्या
जेनजी आन्दोलनका सहिदको अनुहारसँग सालिक
सरकारी प्रक्रियामै अल्झियो काभ्रेका बाढीपीडितको