काठमाडौं । नेपालकी अग्रिमा कुँवरले फिलिपिन्समा ‘लिटिल मिस ग्लाम युनिभर्सल-२०२५’ उपाधि जित्नुभएको छ । गुल्मी मदानेकी कुँवरले बिहीबार सम्पन्न सौन्दर्य प्रतियोगिता ‘लिटिल एण्ड टिन ग्लाम इन्टरनेशनल-२०२५’ अन्तर्गत सो उपाधि आफ्नो पोल्टामा पार्न सफल हुनुभएको हो । हाल बुटवलमा बसोबास गर्दै आउनुभएकी उहाँ एभरेष्ट बोर्डिङ सेकेण्डरी स्कूलमा कक्षा ७ मा अध्ययनरत हुनुहुन्छ । ताज पहिरिएपछि उहाँले आफ्नो सफलताले राष्ट्रको पहिचान बोकेको प्रतिक्रिया दिनुभएको थियो । नेपालको प्रतिनिधित्व गर्दै ताज पहिरिन पाउँदा खुशी लागेको भन्दै उहाँले यो सफलता व्यक्तिगत नभई देशको गौरव भएको बताउनुभयो । यो सफलताबाट अन्य नेपाली बालबालिकालाई पनि अन्तर्राष्ट्रियस्तरका प्रतियोगितामा प्रतिस्पर्धा गर्ने आत्मबल र हौसला मिल्ने उहाँको भनाइ थियो ।
उहाँबाहेक नेपालका थप तीनजना प्रतियोगीले अन्य विभिन्न टाइटल उपाधिहरू जितेका छन् । प्रतियोगिताका मुख्य प्रायोजक एक्ष्ट्रा टिच ओभल इन्टरनेशनल क्रिकेट स्टेडियमका निर्देशक अष्ट्रेलिया निवासी विनोद कुँवरले दिएको जानकारी अनुसार नेपालकी मिरिञ्जा गाहाले ‘सब टाइटल र मेडल-थ्री मिस टिन ग्लाम वल्र्ड-२०२५’, मोनिका कठायतले ‘सब टाइटल र मेडल-थ्री मिनी मिस ग्लाम इन्टरनेशनल–२०२५’ र अभिवन न्यौपानेले ‘सब टाइटल र मेडल-थ्री मिस्टर जुनियर ग्लाम युनिभर्सल-२०२५’ उपाधि जित्नुभएको छ ।
‘लिटिल एण्ड टिन ग्लाम इन्टरनेशनल-०२५’ विश्वकै ठूलो बालबालिका र किशोरी सौन्दर्य प्रतियोगिता हो । जसमा तीनवटा बालिका उपश्रेणी र दुईवटा किशोरी उपश्रेणी छन् । प्रतियोगितामा ट्यालेन्ट एण्ड गाला नाइट राउण्ड, नेशनल कष्टम राउण्ड, स्विमिङ कस्टम रिसोर्ट वेयर राउण्ड, फेशन शो, फर्मलरलंग इभिनिंग ग्रोन स्पोर्टस राउण्ड र इन्ट्रोडक्शन राउण्ड समावेश थियो । मे २४ देखि २९ अर्थात् जेठ १० देखि १५ गतेसम्म सञ्चालन भएको प्रतियोगितामा २९ देशका ७३ प्रतिस्पर्धीले सहभागिता जनाएका थिए ।सारिकाको स्वरमा ‘गुन भुलेउ
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
नेपाल ‘ए’ क्रिकेट टोली अष्ट्रेलिया
दियालो बङ्गलाबाट २४ लाख राजश्व
फेरिँदै लेखनाथ सडकखण्डको मुहार (तस्बिरहरू)
मकवानपुरमा न्यायाधीश सवार स्कार्पियो दुर्घटना,
ट्रम्प-किम सम्पर्क पुन: स्थापित भएको
बलात्कार आरोपमा डेन्टल सञ्चालक पक्राउ