काठमाडौं । प्रदीप सापकोटाको नियात्राकृति ‘यात्राको लय’माथि परिचर्चा गरिएको छ । काठमाडौंमा आयोजित एक कार्यक्रममा उक्त कृतिको परिचर्चा गरिएको हो । सपाट वर्णनमात्र नियात्रा नहुने भन्दै वरिष्ठ साहित्यकार श्रीओम श्रेष्ठ ‘रोदन’ले पचासको दशकपछि नियात्रा नेपाली साहित्यमा थप चलायमान भएर आएको जिकिर गर्नुभयो । प्रदीप सापकोटाको यात्राको लयमा पाठकलाई सँगै डोर्याएर लान सक्ने सामाथ्र्य छ भन्दै उहाँले भन्नुभयो, ‘निजात्मक अनुभूति र भावनालाई स्थानीयतामा डुबेर नियात्रा लेखेका छन् । यसले उनको नियात्रामा खुवी देखाएको छ । नियात्राकारले थप उचाइ लिने सिर्जना गर्न कृतिले चुनौती थपिदिएको छ ।’
वरिष्ठ नियात्राकार जय छाङ्छाले ‘यात्राको लय’मार्फत प्रदीप सापकोटाले एउटा आशावादी नियात्राकारको रुपमा आफूलाई उभ्याएको धारणा राख्नुभयो । ‘सिद्धान्त र बिम्ब विधानहरू समावेश गरिएका नियात्राहरू बलिया रहेका छन् । वास्तवमा नियात्रा राम्रा छन् कि छैनन् भन्ने कुरा पाठकले हृदयले पढेपछि थाहा हुन्छ,’ उहाँले भन्नुभयो । छाङ्छाले आगामी दिनमा थप उत्कृष्ट नियात्रा लेख्नको निम्ति शुभकामना दिनुभयो ।
निबन्धकार श्रीबाबु कार्कीले तत्कालीन द्वन्द्वकालको झल्को दिने नियात्राहरू बढी रहेको यात्राको लयमा नेपाल यात्राकै पेरिफेरिमा प्रायः नियात्राहरू रहेको बताउतनुभयो । उहाँले कृतिमाथि चर्चा गर्दै भन्नुभयो, ‘नियात्राकारले जहाँ जान्छन् त्यहाँका सूक्ष्म कुराहरू जुन कुराले उनको मन छुन्छ तिनीहरूलाई आफ्नो नियात्राको विषय बनाएका छन् । अनुभूति र नजिकका सबै दृश्यहरू नियात्राकारको ब्रहृमबाट तानिएका छन् । उनका नियात्रामा सपाट वर्णनमात्र छैन् लालित्यपूर्ण छन् । भोगाइ छन् । पाठक तान्ने खुवी राख्छन् ।’
वरिष्ठ नियात्राकार पवन आलोकले आफूले ‘यात्राको लय’ पढेको भन्दै मन छोएको सुनाउनुभयो । नियात्राकार सापकोटालाई आलोकले शालिन, सरल व्यक्तिको रूपमा चिनेको बताउनुभयो । साहित्यिक पत्रकार संघका अध्यक्ष राधेश्याम लेकालीले कृतिकार नियात्राकार र सञ्चारकर्मी दुवैमा अब्बल देखिएको जिकिर गर्नुभयो ।
अर्का वक्ता डा.शैलेन्दुप्रकाश नेपालले प्रदीपको लेखनी राम्रै रहेको आफूलाई लागेको बतानुभयो । नियात्राकार सापकोटाले रहरले लेख्न सुरु गरेकोमा थप जिम्मेवार भएर लेख्न पर्ने महसुस गरेको बताउनुभयो । कार्यक्रममा सुसेलीका प्रवद्र्धक दुर्गाप्रसाद अधिकारी ‘भमरकोटे’ले केही सुसेली प्रस्तुत गर्नुभएको थियो । सुनकोशी वाङ्मय प्रतिष्ठानका अध्यक्ष छविरमण सिलवालको सहजीकरणमा सम्पन्न उक्त कार्यक्रममा स्वागत मन्तव्य कोषाध्यक्ष तारा केसीले राख्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
1
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
मेरो नियात्राकृति यात्राको लयमाथि भएको परिचर्चा कार्यक्रमको समाचारलाई महत्वका साथ प्रकाशित गरिदिनुहुने हिमालय टाइम्स राष्ट्रिय दैनिक परिवारप्रति आभारी छु ।