नागढुङ्गा-नौबिसे सडकखण्ड सोमबारदेखि पाँच दिन बन्द हुने

बाबुराम श्रेष्ठ धादिङ, संवाददाता

Sunday June 8, 2025

बाबुराम श्रेष्ठ धादिङ, संवाददाता

Sunday June 8, 2025

Read Time = 2 mins

डिजिटल संस्करण

प्रदेश समाचार

बागमती प्रदेश

A A- A+

समाचार सारांश

Auto-generated using AI

नागढुङ्गा–नौबिसे सडकखण्ड जेठ २६ देखि ३० गतेसम्म साढे १० देखि ३ बजेसम्म मर्मतका लागि बन्द हुने छ।
वैकल्पिक मार्गका रूपमा सीतापाइला–धार्के र टोखा–त्रिशूली–गल्छी सडक प्रयोग गर्न सूचित गरिएको छ।
सवारी साधन नागढुङ्गा र खानीखोलामा रोकिनेछ।

धादिङ । संघीय राजधानी भित्रिने सडकमार्गको मुख्य नाका नागढुङ्गा-नौबिसे सडकखण्ड सोमबारदेखि पाँच दिन बन्द हुने भएको छ ।

सडक मर्मत तथा सुधार कार्य जारी रहेकाले जेठ २६ गतेदेखि ३० गतेसम्म दिनहुँ साढे चार घण्टा सडक बन्द गर्ने नागढुङ्गा–मुग्लिङ्ग सडक योजना (पूर्वी खण्ड) ले जनाएको छ ।

आयोजनाले एक सूचना जारी गर्दै जेठ २६ गतेदेखि ३० गतेसम्म बिहान साढे १० बजेदेखि ३ बजेसम्म सडक बन्द हुने जनाएको हो । यस्तै साना तथा मझौला गाडीहरुका लागि सीतापाइला-रामकोट-धार्के सडक र सामाखुसी-टोखा-छहरे-त्रिशूली (विदुर)-गल्छी सडक विकल्पको रुपमा प्रयोग गर्न सकिने सूचनामा उल्लेख छ । आयोजनाले नागढुङ्गा-पिपलामोड सडक निर्माणका लागि यसरी सडक बन्द गर्नुपर्ने आवश्यकता रहेको जनाएपछि स्थानीय प्रशासनसँगको समन्वयमा यसरी काम गर्नका लागिएको हो ।

नारायणगढ–मुग्लिन सडक योजना (पूर्वी खण्ड)ले आज सूचना गरी काठमाडौँबाट जाने सवारीसाधन नागढुङ्गामा र नौबिसेतर्फबाट आउने सवारीसाधन खानीखोलामा रोकिने उल्लेख गरेको छ। बन्दको समयमा धार्के-सितापाइला तथा टोखा-छहरे त्रिशूली गल्छी सडक प्रयोग गर्न अनुरोध गरिएको छ।