लण्डन । वेस्ट इण्डिजका विस्फोटक ब्याटर निकोलस पुरनले अन्तर्राष्ट्रिय क्रिकेटबाट सन्न्यासको घोषणा गर्नुभएको छ । विश्वकै उत्कृष्ट टी-२० ब्याटरमध्ये एक पुरनले २९ वर्षको उमेरमै सन्न्यास घोषणा गर्नुभएको हो । निकोलसले अन्तर्राष्ट्रिय क्रिकेटबाट सन्न्यास लिने आफ्नो निर्णयबारे नेतृत्वलाई आधिकारिक रूपमा जानकारी गराउनुभएको छ । क्रिकेट वेस्ट इण्डिजले पुरनप्रति सम्मान व्यक्त गर्दै भनेको छ, ‘हामी उनका उपलब्धिहरूलाई सम्मान गर्छौं र उनले दर्शकहरूलाई दिएका रमाइला क्षणहरूका लागि धन्यवाद दिन्छौं । भविष्यका लागि शुभकामना ।’
पुरनले वेस्ट इण्डिजका लागि ६१ ओडिआई र १०६ टी-२० आई खेल्नुभएको छ । ओडिआईका ६१ खेलमा तीन शतक र ११ अर्धशतकसहित पुरनले १९८३ रन बनाउनुभएको छ । त्यस्तै, टी-२० आईका १०६ खेलमा १३ अर्धशतकसहित २२७५ रन बनाउनुभएको छ ।
पुरनले हालै इण्डियन प्रिमियर लिग (आइपिएल) मा लखनउ सुपर जायन्ट्सबाट खेल्नुभएको थियो । त्यसपछि आराम गर्ने भन्दै उहाँ इंग्ल्याण्डविरुद्धको टी-२० सिरिजमा सहभागी हुनुभएन । उहाँ यसै समरमा अमेरिकाको मेजर लिग क्रिकेट (एमएलसी) र बेलायतको द हन्ड्रेड लिग भने खेल्ने तयारीमा हुनुहुन्छ ।
हालै दक्षिण अफ्रिकाका हेनरिक क्लासेनले पनि फ्रेन्चाइज क्रिकेटलाई प्राथमिकता दिँदै अन्तर्राष्ट्रिय क्रिकेट छाड्नुभएको थियो । तर, पुरनको निर्णय अझ ठूलो मानिएको छ, किनकि उहाँ युवा र लोकप्रिय हुनुहुन्छ । पुरनले वेस्ट इण्डिजका लागि अन्तिम टी-२० खेल सन् २०२४ डिसेम्बरमा बंगलादेशविरुद्ध खेल्नुभएको थियो । उहाँले जुलाई २०२३ पछि कुनै एकदिवसीय खेल खेल्नुभएको छैन । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच