काठमाडौं । बागमती प्रदेशका प्रवीण राना मगर र सुदूरपश्चिम प्रदेशकी संगीता विकले १५औँ केन्द्रीय राष्ट्रपति रनिङ खेलकुदअन्तर्गत एथलेटिक्समा बुधबार नयाँ जुनियर राष्ट्रिय कीर्तिमान कायम गर्नुभएको छ । प्रवीणले छात्र एक सय मिटर दौड तथा संगीताले छात्रा चार सय मिटर दौडमा कीर्तिमान बनाउनुभएको हो । कीर्तिमानबापत दुवैले जनही १० हजार नगद पुरस्कार पाउनुहुनेछ ।
त्रिपुरेश्वरस्थित दशरथ रंगशालामा प्रवीणले निर्धारित दूरी १०.७६ सेकेण्डमा पूरा गर्दै कीर्तिमानी स्वर्ण जित्नुभयो । यसअघि आशिष चौधरीको नाममा १०.९० सेकेण्डको कीर्तिमान थियो । उहाँले त्यो कीर्तिमान २०७० सालमा बनाउनुभएको थियो । कोशी प्रदेशका सुजन मण्डल दोस्रो तथा लुम्बिनी प्रदेशका शुभम बमरेल तेस्रो हुनुभयो ।
संगीताले निर्धारित दूरी एक मिनेट ०१.१९ सेकेण्डमा पूरा गर्दै कीर्तिमानसहित स्वर्ण जित्नुभयो । संगीताले २०७६ सालमा अरुणा रिजालले स्थापित गरेको एक मिनेट ०१.३० सेकेण्डको कीर्तिमान भंग गर्नुभएको हो । बागमतीकी अनिशा थारु दोस्रो र कर्णालीकी कृष्णा राना तेस्रो बन्नुभयो । युवा तथा खेलकुद मन्त्रालयको तत्वावधान तथा राष्ट्रिय खेलकुद परिषद्को आयोजनामा भइरहेको प्रतियोगिताको छात्रा एक सय मिटर दौडमा बागमतीकी दिना गोपाली पहिलो हुनुभयो । दिनाले १२.८१ सेकेण्ड समय लगाउनुभयो । लुम्बिनीकी आरुशी भट्टराई दोस्रो तथा गण्डकी प्रदेशकी अनुष्का अधिकारी तेस्रो हुनुभयो ।
छात्र चार सय मिटर दौडमा कर्णालीका धीरेन्द्र विकले स्वर्ण जित्नुभयो । उहाँले निर्धारित दूरी पूरा गर्न ५१.८९ सेकेण्ड समय खर्चनुभयो । गण्डकीका प्रकाश महतोले रजत तथा सुदूरपश्चिमका विक्रम विष्टले कांस्य हात पार्नुभयो ।
छात्र हाइजम्पमा बागमतीका अविनाश सुनार पहिलो हुनुभयो । उहाँले १.६८ मिटर जम्प गर्नुभयो । सुदूरपश्चिमका उज्ज्वलकुमार विक दोस्रो तथा गण्डकीका विवेक महतो तेस्रो स्थानमा रहनुभयोे । सो स्पर्धाको छात्रामा १.३८ मिटर जम्प गर्दै सुदूरपश्चिमकी सुस्मिता चौधरी शीर्ष स्थानमा रहनुभयो । गण्डकीकी सविता खातुन मिया दोस्रो तथा कर्णालीकी हिरा बुढा तेस्रो बन्नुभयो ।
सटपुटको छात्रमा सुदूरपश्चिमका विवेक चौधरी पहिलो हुनुभयो । उहाँले १३६१ मिटर टाढा फाल्नुभयो । लुम्बिनीका राजन भण्डारी दोस्रो तथा कर्णालीका केशव विक तेस्रो हुनुभयो । उक्त स्पर्धाको छात्रामा बागमतीकी एलिना विकले स्वर्ण जित्नुभयो । एलिनाले ८.६९ मिटर टाढा फाल्नुभयो । सुदूरपश्चिमकी पूजा साउदले रजत तथा लुम्बिनीकी सम्झना चौधरीले कांस्य जित्नुभयो ।
छात्रा एक हजार ५०० मिटर दौडमा गण्डकीकी नारायणी भण्डारी पहिलो हुनुभयो । नारायणीले पाँच मिनेट ०३.९ सेकेण्डमा दूरी तय गर्नुभयो । बागमतीकी भगवती खड्का दोस्रो तथा सुदूरपश्चिमकी देवकी धामी तेस्रो हुनुभयो । प्रतियोगितामा २६ स्वर्णका लागि प्रतिस्पर्धा भइरहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच