काठमाडौं । ग्राहकका लागि सहज सेवा र आकर्षक स्किम उपलब्ध गराउन नवीन खोज गरिरहने ग्लोबल आइएमई बैंक यसपटक यती एयरलाइन्ससँग सहकार्यमा जुटेको छ । बैंकले यती एयरलाइन्ससँगको सहकार्यमा ‘ग्लोबल स्काई क्लब कार्ड स्किम’ शुभारम्भ गरेको छ । काठमाडौंमा आयोजित एक कार्यक्रममा ग्लोबल आइएमई बैंकका प्रमुख कार्यकारी अधिकृत सुरेन्द्रराज रेग्मी र यती एयरलाइन्सका प्रमुख कार्यकारी अधिकृत सुवास सापकोटाले संयुक्त रूपमा कार्ड सार्वजनिक गर्नुभएको हो ।
पछिल्लो ‘ग्लोबल स्काई क्लब कार्ड स्किम’मार्फत् पहिलोपटक यती एयरलाइन्सको टिकट खरिद गर्दा ‘निःशुल्क’ उपलब्ध हुने भएको छ । त्यतिमात्र नभई नियमित कार्ड प्रयोग गरी कारोबार गर्दा ग्राहक तथा यात्रुले विशेष छुट, बोनस पोइन्ट, प्राथमिक चेक-इन सेवा, अतिरिक्त तौल सुविधालगायत प्राप्त गर्नेछन् । जसले ग्लोबल आइएमई बैंकका ग्राहकलाई सरप्राइज प्याकेजसहित नवीन सुविधाको अनुभव गराउने बैंकको विश्वास रहेको छ । बैंकका अनुसार ग्राहकले ग्लोबल स्काई क्लब कार्डमार्फत् यती एयरलाइन्सको पहिलोपटक टिकट खरिदमा पूरै रकम बराबर क्यासब्याक दिइने भएको छ । त्यसैगरी कार्डबाहक ग्राहकले यती एयरलाइन्सको कुनै पनि टिकट खरिद गर्दा १० प्रतिशत वा अधिकतम पाँच सय रुपैयाँसम्म छुट पाउन सक्ने सक्नेछन् ।
बैंकका अनुसार कार्ड जारी गर्ने समयमा ग्राहकले सय बोनस पोइन्ट पाउँछन् । यस्तो बोनस छुट, पुरस्कार वा अन्य सेवा उपयोगमा प्रयोग गर्न सकिनेछ । कार्डका माध्यमबाट पिओएस (प्वाइन्ट अफ सेल) वा ई-कमर्स प्लेटफर्ममा खरिद गर्दा हरेक सय रुपैयाँ बराबर एक माइलेज प्वाइन्ट प्राप्त हुनेछ । जसले डिजिटल कारोबारलाई प्रोत्साहनमात्र गर्ने छैन, साथमा कार्ड प्रयोगकर्तालाई बारम्बार फाइदा लिने अवसरसमेत दिनेछ ।
ग्लोबल स्काई क्लब कार्ड बाहकले विमानस्थलमा समेत प्राथमिकता पाउनेछन् । यती एयरलाइन्सका अनुसार चेक-इन तथा बोर्डिङ प्रक्रिया छिटो छरितो गराइनेछ । यस्तो कार्डबाहक यात्रुले लगेजमा समेत अधिकतम तौल सीमाभन्दा पाँच केजी अतिरिक्त सामान बोक्न पाउने सुविधा यतीमा पाइनेछ । बढी तौलको लगेजका साथ यात्रा गर्ने यात्रुलाई यस्तो सुविधा निकै उपयोगी हुने बैंकको विश्वास छ ।
बैंकका प्रमुख कार्यकारी अधिकृत रेग्मी ग्लोबल आइएमई बैंक र यती एयरलाइन्सबीचको सहकार्यले डिजिटल कारोबार र ग्राहकमैत्री सेवा विस्तारमा सहयोग पुग्ने बताउनुहुन्छ । उहाँ भन्नुहुन्छ, ‘ग्लोबल आइएमई बैंक नयाँ प्रविधिको प्रयोगसँगै ग्राहकमैत्री सेवा र समयानुकूल योजना ल्याउन सधैं तत्पर छ ।’ यती एयरलाइन्सका प्रमुख कार्यकारी अधिकृत सापकोटा ग्लोबल आइएमई बैंकसँगको सहकार्यबाट बैंक र एयरलाइन्स दुवैका ग्राहक तथा सेवाग्राही लाभान्वित हुने बताउनुहुन्छ । उहाँ भन्नुहुन्छ, ‘हामीले ग्लोबल आइएमई बैंकसँग मिलेर यस्तो योजना ल्याएका छौं, जसले दुवै संस्थाका ग्राहकलाई प्रत्यक्ष रूपमा लाभ पु¥याउनेछ ।’ ग्लोबल आइएमई बैंकले ग्राहकको सुविधालाई मध्यनजर गर्दै विभिन्न किसिमका समय सान्दर्भिक योजना ल्याएर ग्राहकहरूलाई लाभान्वित गर्दै आएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच