काठमाडौं । स्वास्थ्य तथा जनसंख्यामन्त्री प्रदीप पौडेलले नयाँ आर्थिक वर्षमा न्युरो साइन्सेस सेन्टर स्थापना गरिने बताउनुभएको छ । राष्ट्रिय सभामा सदस्य जगप्रसाद शर्माले उठाएको प्रश्नको जवाफ दिँदै उहाँले नेपाल सरकारको आर्थिक वर्ष २०८२/८३ को स्वीकृत नीति कार्यक्रममा एक सुविधासम्पन्न न्युरो साइन्सेस सेन्टर स्थापना गर्ने उल्लेख भएको र बजेटसमेत व्यवस्था भएको जानकारी दिनुभयो । केन्द्रमा विशेष पुनस्र्थापना इकाई बनाइने मन्त्री पौडेलको भनाइ थियो ।
पुनस्र्थापना सेवा स्वास्थ्य प्रणालीको अत्यन्तै महत्वपूर्ण रहेको उल्लेख गर्दै त्यसले विशेषगरी दीर्घकालीन रोग, अपांगता, मानसिक स्वास्थ्य समस्या भएका व्यक्तिहरूलाई पुनः सामान्य जीवनमा फर्कन सघाउने बताउनुभयो । अहिले नेपालमा निजी क्षेत्रबाट सञ्चालित पुनस्र्थापना केन्द्रहरू प्रमुख शहरमा सीमित रहेको भन्दै उहाँले सबै क्षेत्रका सर्वसाधारणका लागि पहुँचयोग्य बनाउन प्रयासरत रहेको बताउनुभयो । मन्त्री पौडेलले भन्नुभयो, ‘पुनस्र्थापना सेवा प्रत्यक्ष रूपमा क्लिनिकल तथा दीर्घकालीन स्वास्थ्य प्रणालीसँग आबद्ध हुने भएकाले यसमा विभिन्न विभाग, महाशाखा तथा मन्त्रालयबीच समन्वय आवश्यक पर्छ, मन्त्रालयले स्थानीय तहलाई पुनस्र्थापना कार्यमा सशक्त बनाउन स्रोत र क्षमता अभिवृद्धि गर्दै पुनस्र्थापना सेवा कृत्रिम अंग र सहायक उपकरणको विस्तार गरिरहेको छ ।’ स्वास्थ्य मन्त्रालयअन्तर्गतको स्वास्थ्य सेवा विभाग मातहतको इपिडिमियोलोजी तथा रोग नियन्त्रण महाशाखामा कुष्ठरोग तथा अपांगता व्यवस्थापन शाखामार्फत् पुनस्र्थापना सेवा प्रवाह भइरहेको उहाँले बताउनुभयो । मन्त्री पौडेलले भन्नुभयो, ‘नेपाल सरकारको नीति तथा कार्यक्रम आर्थिक वर्ष २०७९/२०८० मा शारीरिक तथा मानसिक अपांगता भएका व्यक्ति तथा क्यान्सरलगायतका दीर्घरोगबाट प्रभावित नागरिकका लागि सातै प्रदेशमा पुनस्र्थापना तथा परामर्श केन्द्र स्थापना गर्न मापदण्ड ल्याई कार्य भइरहेको छ, पुनस्र्थापना सेवाको पहुँच र गुणस्तर कायम गराउन राष्ट्रिय पुनस्र्थापनासम्बन्धी रणनीतिको तयारी भइरहेको छ ।’ मन्त्रालयका अनुसार हाल २३ संघीय अस्पताल, ३६ वटा प्रादेशिक अस्पताल र जिल्ला अस्पतालबाट फिजियोथेरापी सेवाहरू प्रवाह भइरहेको छ । सरकारले तयार पारिरहेको राष्ट्रिय पुनस्र्थापना रणनीतिको मस्यौदामा संघीय तहमा नमुनाका रूपमा कम्तीमा एउटा सरकारी पुनस्र्थापना केन्द्र स्थापना गर्ने स्पष्ट लक्ष्य राखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच