काठमाडौं । नेपाल इन्फ्रास्ट्रक्चर बैंक (निफ्रा) ले जारी गरेको‘निफ्रा ग्रिन इनर्जी बोण्ड ६ प्रतिशत-२०८८/८९’ को बाँडफाँट सम्पन्न भएको छ । एनआइएमबी एस क्यापिटलको निष्कासन तथा बिक्री प्रबन्धकत्वको ऋणपत्र बाँडफाँट बिहीबार लाजिम्पाटस्थित एनआइएमबी एस क्यापिटल परिसरमा सम्पन्न भएको हो ।
कम्पनीका अनुसार पाँच अर्ब रुपैयाँ बराबरको ऋणपत्रका लागि ३.८ गुणा बढी आवेदन प्राप्त भएको थियो । जसले नेपाली पुँजी बजारप्रति लगानीकर्ताहरूको विश्वास झल्काएको छ । ऋणपत्र निष्कासन जेठ १८ देखि २५ गतेसम्म खुला गरिएको थियो, जसमा व्यक्तिगततर्फ ६० प्रतिशत र सर्वसाधारणतर्फ ४० प्रतिशत हिस्सा छुट्याइएको थियो ।
एनआइएमबी एस क्यापिटलका प्रमुख कार्यकारी अधिकृत शिवान्तबहादुर पाँडेले पहिलो सार्वजनिक हरित ऊर्जा ऋणपत्र सफलतापूर्वक निष्कासन हुनु गौरवको विषय भएको भन्दै भविष्यमा पनि यस्तै नवीन र दीर्घकालीन प्रभाव पार्ने परियोजना ल्याउने प्रतिबद्धता व्यक्त गर्नुभएको थियो ।
सात वर्ष अवधिको ऋणपत्रमा वार्षिक छ प्रतिशत ब्याजदर प्रदान गरिनेछ । बाँडफाँट कार्यक्रमका अवसरमा नेपाल राष्ट्र बैंक, धितोपत्र बोर्ड, सेयर बजारका सरोकारवाला निकाय, अन्तर्राष्ट्रिय साझेदारलगायतको उपस्थिति रहेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच