काठमाडौं । नागरिक लगानी कोष र गुल्मीको रुरु क्षेत्र गाउँपालिकाबीच सम्झौता भएको छ । महिला सामुदायिक स्वास्थ्य स्वयंसेविकाको नागरिक पेन्सन योजना सञ्चालन गर्नेसम्बन्धी सम्झौता भएको हो । सम्झौतामा कोषतर्फबाट कार्यकारी निर्देशक पर्वतकुमार कार्की र गाउँपालिका अध्यक्ष यदु ज्ञवालीले हस्ताक्षर गर्नुभएको हो ।
सम्झौतामा हस्ताक्षरपछि कोषका कार्यकारी निर्देशक कार्कीले पेन्सन योजनामा सहभागीको रकम सुरक्षित रहने र अवकाशपछि पेन्सन सुविधा पाउने जानकारी दिनुभयो । उहाँले स्वआर्जनमा रहेका र अन्य क्षेत्रका स्थानीयवासीलाई सहभागिताका लागि आग्रहसमेत गर्नुभयो । त्यसैगरी गाउँपालिकाका अध्यक्ष ज्ञवालीले स्थानीयवासीले सहभागिता जनाउने प्रतिबद्धता व्यक्त गर्नुभयो ।
सम्झौताअनुसार पालिकाका महिला सामुदायिक स्वास्थ्य स्वयंसेवीका कल्याणकारी कोष व्यवस्थापनअन्तर्गत रुरु क्षेत्र गाउँपालिकाद्वारा सञ्चालित स्वयंसेविकाको कल्याणकारी कोषबाट प्रतिस्वास्थ्य स्वयंसेविकाको मासिक आठ सय ३० रुपैयाँ जम्मा गर्ने व्यवस्था गरिएको छ ।
पालिकाबाट सञ्चालित स्वयंसेविका कल्याणकारी कोष व्यवस्थापनअन्तर्गत व्यक्तिगत खाताको रकम वा अन्य कुनै ऋण वा सहुलियत सम्बन्धित व्यक्ति वा हकवालालाई उपलब्ध गराउँदा पालिकाको सिफारिसका आधारमा मात्र उपलब्ध गराउन सकिने व्यवस्था मिलाइएको छ ।
योजनामा सहभागी स्वयंसेविकालाई पेन्सन योजना सञ्चालन कार्यविधि २०७६ अनुसार स्वयंसेविका र पालिकातर्फबाट जम्मा भएको रकमका आधारमा जम्मा भएको रकम एकमुष्ठ वा ६० वर्ष पुगेपछि पेन्सन उपलब्ध गराउनुपर्ने व्यवस्था सम्झौतामा उल्लेख छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
निजामती सेवामा व्यापक पुनःसंरचनाको तयारी
धान बालीमा कृषि यान्त्रीकरण :
मध्यपूर्वको अवस्था सहज भएसँगै पेट्रोलियम
मुगुमा जातीय विभेद अन्त्यका लागि
श्रीमान् हत्या आरोपमा श्रीमतीसहित छोरा
केटाकेटी आए गुलेली खेलाए…