वासिङटन । केही समयअघि युइएफए च्याम्पियन्स लिगको उपाधि चुमेर आफूलाई अब्बल साबित गरेको फ्रान्सेली क्लब पेरिस सेन्ट जर्मन (पिएसजी) फिफा क्लब विश्वकप प्रतियोगितामा पनि सुखद सुरुवात गरेको छ ।
अमेरिकामा जारी क्लब विश्वकपको आफ्नो पहिलो खेलमा पिएसजीले बलियो स्पेनिस प्रतिद्वन्द्वी एट्लेटिको म्याड्रिडलाई ४–० गोलको फराकिलो अन्तरले हराएको हो । सोमबार बिहान सम्पन्न खेलमा प्रारम्भदेखि नै पिएसजीले एट्लेटिको म्याड्रिडलाई दबाबमा राखेको थियो । पिएसजीले खेलको पहिलो हाफमा दुई र दोस्रो हाफमा पनि दुई गोल गरेको थियो । रोज बाउल स्टेडियममा ८० हजारभन्दा बढी दर्शकमाझ खेलिएको उक्त खेलमा पिएसजीका लागि पहिलो गोल १९औँ मिनेटमा फाबियन रुइजले गर्नुभएको थियो ।
पहिलो हाफको इन्जुरी समयको पहिलो मिनेटमा भिटिन्हाले पिएसजीको अग्रता दोब्बर बनाउनुभयो । एट्लेटिको म्याड्रिड भने खेल अवधिभर निरीह देखियो । त्यसैले दोस्रो हाफमा पनि पिएसजीले दुई गोल थप्यो । निर्धारित समयको ८७औँ मिनेटमा पिएसजीका लागि सेनी मायुलुले तेस्रो गोल थप्नुभयो । उहाँ परिवर्तित खेलाडीका रूपमा मैदानभित्र प्रवेश गर्नुभएको थियो । दोस्रो हाफको इन्जुरी समयको सातौँ मिनेटमा ली काङ–इनले टोलीका लागि चौथो गोल गर्नुभएको थियो ।
प्रतियोगिताको समूह ‘बी’ मा रहेको पिएसजी तालिकाको पहिलो स्थानमा छ । पिएसजीले पहिलो खेलबाटै तीन अंक बटुलेको हो । क्लब विश्वकपको आठवटै समूहमा चार-चार टोली छन् । समूहगत चरणको खेलपछि प्रत्येक समूहबाट दुई–दुई टोली अघिल्लो चरणमा प्रवेश गर्नेछन् ।
यसैगरी, जर्मन च्याम्पियन बायर्न म्युनिखले क्लब विश्वकपको आफ्नो पहिलो खेलमा न्युजिल्याण्डको अकल्याण्ड सिटीलाई फराकिलो अन्तरले पराजित गरेको छ । टिक्युएल स्टेडियममा २१ हजार १५२ दर्शकमाझ भएको खेलमा बायर्नले सिटीलाई १०-० ले हराएको हो । क्लब विश्वकप इतिहासकै यो अहिलेसम्मकै फराकिलो अन्तरको नतिजा हो । बायर्नका जमाल मुसियालाले दोस्रो हाफको १७ मिनेटको अन्तरालमा हृयाट्रिक गर्नुभयो । उहाँले ६७औँ, ७३औँ (पेनाल्टी) र ८४औँ मिनेटमा गोल गर्नुभएको थियो । मुसियाला ६१औँ मिनेटमा हृयारी केनको स्थानमा मैदान प्रवेश गर्नुभएको थियो ।
थोमस मुलर, किङ्स्ले कोमन र माइकल ओलिसेले समान दुई गोल गर्नुभयो । खेलको छैटौं मिनेटमा कोमनले गोल गर्दै बायर्नलाई अग्रता दिलाउनुभएको थियो । बायर्नले खेलभर १७–१ को सट्स अन टार्गेटको स्पष्ट अग्रता लिएको थियो ।
बायर्नले पहिलो हाफको मध्यसम्ममै ४-० को अग्रता बनाइसकेको थियो । साचा बोएले १८औँ, ओलिसेले २०औँ, कोमनले २१औँ, मुलरले ४५औँ मिनेट र ओलिसेले पहिलो हाफको इन्जुरी समयको तेस्रो मिनेटमा गोल गर्दै अग्रता ६–० बनाउनुभयो । ‘आजको खेल सबैका लागि उत्कृष्ट रहृयो । हामीले आक्रामक र द्रुत खेल देखायौं,’ बायर्नका मुख्य प्रशिक्षक भिन्सेन्ट कोम्पानीले भन्नुभयो । प्रभावशाली देखिएको बायर्नको अर्को खेल शुक्रबार बोका जुनियर्ससँग र जुन २४ मा बेनफिकासँग हुनेछ । अकल्याण्ड सिटीले अब बेनफिकासँग शुक्रबार र बोका जुनियर्ससँग समूह चरणको अन्तिम खेल खेल्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर