काठमाडौं । चलचित्र विकास बोर्डले सबैभन्दा धेरै व्यापार गर्ने २५ चलचित्रका निर्मातालाई सम्मान गर्ने भएको छ । बोर्ड स्थापना भएको २५ वर्ष पुगेको अवसरमा सबैभन्दा धेरै व्यापार गर्ने २५ चलचित्रका निर्मातालाई सम्मान गर्ने भएको हो । पाँच करोडभन्दामाथि भएका अधिकतम् व्यापार गर्ने पहिलो २५ चलचित्रका निर्मातालाई सम्मान गर्ने कार्यक्रम रहेको बोर्डले जनाएको छ । तर, यसका लागि चलचित्र वितरकले निर्मातालाई भुक्तानी गरेको प्रमाण खुल्ने कागजात सात दिनभित्र पेस गर्नुपर्नेछ ।
‘देशभित्र स्वदेशी चलचित्रको कुल व्यापार पाँच करोडभन्दामाथि भएका अधिकतम् व्यापार गर्ने पहिलो २५ चलचित्रका निर्मातालाई सम्मान गर्ने कार्यक्रम तय भएको छ’, बोर्डले सूचना जारी गर्दै भनेको छ, ‘सूचना प्रकाशित भएको मितिले सात दिनभित्र स्वदेशी चलचित्र निर्माण कम्पनी वा वितरकले प्रमाण खुल्ने कागजातसहित बोर्डमा पेस गर्नपर्नेछ ।’ चलचित्र विकास बोर्डको बक्सअफिस अनुसार ४६ करोडभन्दा धेरै कमाउँदै ‘पूर्णबहादुरको सारंगी’ अहिलेसम्म सर्वाधिक कमाउने नेपाली चलचित्र हो ।
आगामी असार १६ गते आयोजना हुने बोर्ड स्थापनाको २५औं वार्षिकोत्सव समारोहमा सम्मान प्रदान गरिने भएको छ । उक्त दिन ‘रियल टाइम बक्सअफिस’को औपचारिक सुरुवातसहित बोर्डका सबै सेवालाई अनलाइन माध्यममा लैजाने कार्यको सुरुवात गर्ने कार्यक्रम छ । त्यसो त ‘रियल टाइम बक्सअफिस’ अहिले नै छ । तर, असार १६ देखि यसको औपचारिक घोषणा गर्न लागिएको हो । मुलुकका १६५ भन्दा बढी हल बक्सअफिसमा जडान भइसकेको जनाइएको छ । बोर्ड अध्यक्ष दिनेश डिसीका अनुसार असार १६ देखि चलचित्र विकास बोर्डका सबै सेवा पनि अनलाइनमार्फत हुनेछन् । त्यस्तै बोर्डले प्रदान गर्ने सेवा निर्माण इजाजत, सेन्सर सिफारिशलगायत सेवा पनि अबदेखि अनलाइनबाटै दिइनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
1
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच