विराटनगर । वर्षायामसँगै विद्युत् उत्पादन वृद्धि भई निरन्तर आपूर्ति हुने आश्वासन नेपाल विद्युत् प्राधिकरणबाट पाएका सुनसरी मोरङ औद्योगिक करिडोरका उद्योगी व्यवसायी हाल दैनिक कयौंपटक भइरहेको ट्रिपिङका कारण प्रताडित भएका छन् । वर्तमान समयमा एकातिर नेपालमा उत्पादन हुने विद्युत् भारत तथा बंगलादेश निर्यात गर्ने भनिरहँदा अर्कातिर स्वदेशी उद्योग व्यवसाय ट्रिपिङका कारण लामो समयसम्म हुने विद्युत् कटौतीको मार खेप्न बाध्य रहेको उद्योग संगठन मोरङका अध्यक्ष नन्दकिशोर राठीले बताउनुभएको छ । दैनिक निरन्तर भइरहने ट्रिपिङले उद्योगको मिल मेसिनरी बिग्रन गएको, उत्पादनका क्रममा रहेका कच्चा पदार्थ खेर गएको, श्रमिकको काम नभई त्यसै राख्नुपरेको, जेनेरेटर सञ्चालन गर्नुपर्दा उत्पादन लागत वृद्धि भएको उद्योगी व्यवसायीको गुनासो सम्बन्धित निकायलाई बारम्बार सुनाउँदासमेत समस्या समाधानमा ठोस पहल नभएको उहाँको भनाइ छ ।
वर्षायाम सुरु भएसँगै औद्योगिक करिडोरमा निरन्तर विद्युत् आपूर्ति हुने आशामा रहेका उद्योगी व्यवसायीको आशा विपरीत हाल दैनिक कयौंपटक भइरहेको ट्रिपिङका कारण निराशा बढ्दै गएको अध्यक्ष राठीले बताउनुभयो । सुक्खायाममा विद्युत्को अभाव र वर्षायाममा ट्रिपिङको मारले उद्योगले ठूलो आर्थिक नोक्सानी बेहोर्नु परिरहेको भन्दै विद्युत् आपूर्तिमा देखिने समस्यालाई दीर्घकालीन रूपमा समाधान गर्न विद्युत् प्राधिकरणलाई संवेदनशील हुन उहाँले आग्रह गर्नुभएको छ ।
संगठनले यसअघि हरेक वर्ष सुक्खायाममा विद्युत् आपूर्ति अवरोध हुँदा उद्योग व्यवसायले भोग्नुपरेको आर्थिक क्षतिको तथ्यांकसहित प्राधिकरणको बारम्बार ध्यानाकर्षण गराउँदासमेत नियामक निकायबाट समाधानको ठोस योजना नआएकोमा दुःख व्यक्त गर्दै त्यसको जिम्मेवारी कसले लिने प्रश्नसमेत गरेको छ । साथै संगठनले हाल देखिएको ट्रिपिङ समस्या समाधान गर्न र आगामी सुक्खायाममा आउन सक्ने विद्युत् अभाव समस्या सम्बोधन गर्न अहिलेदेखि काम गर्न प्राधिकरणको ध्यानाकर्षण पनि गराएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच