काठमाडौं । नेपालको सार्वजनिक ऋणको हिस्सा कुल गार्हस्थ्य उत्पादन (जिडिपी) को ४३.४७ प्रतिशत पुगेको छ । सार्वजनिक ऋण व्यवस्थापन कार्यालयले सार्वजनिक गरेको तथ्यांकअनुसार सार्वजनिक ऋण २०८२ जेठसम्ममा २६ खर्ब ५४ अर्ब ६८ करोड रुपैयाँ पुगेको छ । चालु आर्थिक वर्षको सुरुवातमा रहेको २४ खर्ब ३४ अर्ब नौ करोड रुपैयाँ बराबरको सार्वजनिक ऋण दुई खर्ब बढीले बढेर २६ खर्ब ५४ अर्ब ६८ करोड रुपैयाँ पुगेको हो । चालु आर्थिक वर्षमा जम्मा पाँच खर्ब ४७ अर्ब सार्वजनिक ऋण परिचालन गर्ने लक्ष्य राखिएकोमा जेठसम्ममा चार खर्ब १४ अर्ब १९ करोड ऋण प्राप्ति भएको छ । वार्षिक लक्ष्यको तुलनामा कुल सार्वजनिक ऋण प्राप्ति ७५.७२ प्रतिशत रहेको छ ।
जसमध्ये आन्तरिक र बाहृय ऋण प्राप्तिको प्रगति कमशः १५.४५ र ४५. ७२ प्रतिशत रहेको छ । कुल सार्वजनिक ऋण प्राप्तिमध्ये आन्तरिक र बाहृय ऋणको हिस्सा क्रमशः ७६.९५ र २३.९५ प्रतिशत रहेको छ । सार्वजनिक ऋणको साँवा र व्याज भुक्तानीतर्फ चालु आर्थिक वर्ष २०८१/८२ मा ऋण सेवा खर्चमा चार खर्ब दुई अर्ब ८५ करोड बजेट विनियोजन भएकोमा जेठ मसान्तसम्म तीन खर्ब २९ अर्ब ६९ करोड भुक्तानी भएको छ । जुन वार्षिक बजेटका आधारमा ८१.८२ प्रतिशत हो ।
कुल गार्हस्थ्य उत्पादनका आधारमा जेठसम्ममा कुल ऋण सेवा खर्च ५.४ प्रतिशत रहेको छ । सरकारले आगामी वर्षको बजेटमा विभिन्न ऋण तथा व्याज तिर्न वित्तीय व्यवस्थाअन्तर्गत तीन खर्ब ५७ अर्ब रुपैयाँ छुट्याइएको छ । आगामी वर्षका लागि कुल बजेट रकममध्ये विकास खर्चमा चार खर्ब सात अर्ब रुपैयाँ रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच