काठमाडौं । चर्चित गीतकार टेक तामाङको पहिलो एकल साँझ आयोजना हुने भएको छ । कमलादीस्थित प्रज्ञा प्रतिष्ठानको प्रेक्षालयमा यही असार १४ गते शनिबार साँझ आयोजना हुने एकल साँझलाई गीतकार संघ नेपालले आयोजना गर्न लागेको हो । एकल साँझमा गीतकार तामाङले रचना गरेका नयाँ र पुराना गरेर १७ वटा लोकप्रिय गीतहरू प्रस्तुत गरिने आयोजकले जनाएको छ । एकल साँझका लागि चयन भएका गीतहरूमा ‘नेपाल मेरो घर, आमा, स्वर्ग सुख, मीठामीठा बोली, जित्नेहरूको पनि, आफ्नै धड्कन, मन पर्छ, अल्झिरहृयो याद, नजिक यति भएर पनि, तिमी सागर, तिमीलाई पराईको, अँगालोमा बेरिरहूँ, जन्मिखेली, मै खुकुरी, माथि माथि लेकमा, जोर मादलको तालैमा, स्वर्ग झैं सैलुङ’लगायत रहेका छन् ।
प्रत्यक्ष वाद्यवादनसहित अग्रज गायक गायिकादेखि अहिलेका लोकप्रिय गायक गायिका रहेका छन् । कार्यक्रममा दीप श्रेष्ठ, किरण प्रधान, शिव परियार, राजेशपायल राई, अञ्जु पन्त, सत्यराज आचार्य, संगीता राना प्रधान डेबिड शंकर, रूपक चौधरी, प्रदीपराज पाण्डे, कन्काइष्ट राई, सन्जय तुम्ब्रोक, सुमिना लो, रेश्मा बमजन, अस्मिता अधिकारी, प्रल्हाद तिमिल्सिना लगायतका स्वरमा उहाँका गीत गुञ्जिने छन् ।
‘टेक तामाङ सांगीतिक साँझ-२०८२’ले सामाजिक सशक्तीकरण र सांस्कृतिक प्रवद्र्धनमा समेत प्रेरणा दिन सहयोग पुग्ने आयोजकको भनाइ छ । विसं २०५० सालमा ‘छाल आउँदा सम्झनाको’ पहिलो गीत श्रोता/दर्शकमाझ ल्याउनुभएका तामाङ नेपाली संगीत र साहित्यमा निरन्तर क्रियाशील हुनुहुन्छ । उहाँका राष्ट्रिय भावधाराका गीत तथा कवितासंग्रह/‘माटोको आवाज’, राष्ट्रिय भावधाराका गीतसंग्रह/‘स्वदेश’, आधुनिक गीतसंग्रह-‘जीवनसाथी’, आधुनिक गीतसंग्रह/ ‘आमा’, आधुनिक गीतसंग्रह/‘नाता’, भजनसंग्रह/‘भक्तिसागर’, राष्ट्रिय भावधाराका गीत तथा कवितासंग्रह/‘नेपाल आमा’ जस्ता कृति सार्वजनिक भएका छन् भने थुप्रै पाण्डुलिपि आउने तयारीमा छन् । गीतकार तामाङका सयौं गीतहरू रेकर्ड छन् । नेपाली सांगीतिक क्षेत्रमा योगदान पु¥याउँदै आउनुभएका तामाङ प्रहरी अतिरिक्त महानिरीक्षक (एआइजी) हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच