काठमाडौं । चलचित्र ‘रङ डेस्टिनेशन २’को पहिलो गीत ‘ब्रेक डान्स’ सार्वजनिक गरिएको छ । समिक्षा अधिकारी र ओम सुनारको स्वर रहेको रोमान्टिक गीतमा संगीत पनि गायक सुनारकै छ भने गीतका शब्द मुना शाहले लेख्नुभएको हो । गीतको भिडियो भने डान्सिङ फेवरमा तयार गरिएको छ । जसमा चलचित्रका मुख्य कलाकार आयशा तामाङ र किरण श्रेष्ठ देखिनुभएको छ । कल्चरल ड्रेस र कोरस समेत प्रयोग गरिएको गीतको भिडियोमा कोरियोग्राफी रोशनी थापा मगरले गर्नुभएको हो ।
फुलमुन मोसन फिक्चर्स प्रालिको ब्यानरमा निर्माण भएको यो चलचित्र हरर र थ्रिलर कथामा निर्माण भएको हो । सीमा गुरुङ निर्देशन रहेको चलचित्रमा किरण श्रेष्ठ, आयशा तामाङ, कालु राणा, आकी थेक्पा, सुगन तन्दुकर, उज्वल, सञ्जय थापा, सकल रेग्मीलगायत कलाकारको अभिनय छ ।
चलचित्रको कार्यकारी निर्माता सुगन तन्दुकर हुनुहुन्छ भने निर्माता समाइरा तन्दुकार र शर्मिला लामा रहनुभएको छ । मुस्ताङका विभिन्न रमणीय स्थानमा छायांकन भएको यो चलचित्रको प्रदर्शन मिति भने सार्वजनिक गरिएको छैन । विदेशका विभिन्न फेष्टिभलको प्रदर्शनपछि मात्र चलचित्र स्वदेशमा प्रदर्शन गरिने निर्देशक सीमा गुरुङले जानकारी गराउनुभयो । चलचित्रमा सञ्जय थापाको द्वन्द्व, रणधीर श्रेष्ठको छायांकन र बनिश शाहको सम्पादन छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच