समाचार सारांश
-
नेपालले त्रिकोणात्मक टि–२० शृङ्खलामा नेदरल्याण्ड्सलाई ६ विकेटले पराजित गर्दै शीर्षस्थानमा उक्लियो।
-
१७५ रनको लक्ष्य नेपालले १९.४ ओभरमा ४ विकेट गुमाएर पूरा गर्यो।
-
कुशल भुर्तेलले ६५ रन र आरिफ शेखले ३९ रन बनाए।
-
करण केसीले २ विकेट लिए; अब नेपालले भोलि स्कटल्याण्डसँग खेल्नेछ।
काठमाडाैं । स्कटल्याण्डमा जारी त्रिकोणात्मक टि–२० आई शृङ्खलामा नेदरल्याण्ड्सलाई पराजित गर्दै नेपाल विजयी भएको छ ।
स्कटल्याण्डको ग्लासगोमा भर्खरै सम्पन्न खेलमा नेपालले नेदरल्याण्ड्सलाई छ विकेटले पराजित गर्दै विजयी भएको हो । यस जितसँगै तीन खेलमा चार अङ्क जोडेको नेपाल नेट रनरेटमा नेदरल्यान्ड्सलाई पछाडि पार्दै तालिकाको शीर्षस्थानमा उक्लिएको छ ।
खेलमा एक सय ७५ रनको लक्ष्य पछ्याएको नेपालले १९ दशमलव चार ओभरमा चार विकेट गुमाएर लक्ष्य पूरा गर्यो । नेपालको जितमा ओपनर कुशल भुर्तेलले सर्वाधिक ६५ रनको योगदान दिनुभयाे । उहाँले ५१ बलमा छ चौकाको सहयोगमा ६५ रनको अर्धशतकीय पारी खेल्नुभयाे ।
त्यसैगरी, नेपालका अर्का ओपनर आसिफ शेखले कुशलसँग पहिलो विकेटका लागि २२ रनको साझेदारी गर्दै छ बलमा सात रनका साथ आउट हुनुभयाे । दोस्रो विकेटका लागि कुशलले भीम सार्कीसँग मिलेर ५४ रनको साझेदारी गर्नुभयाे । भीमले १६ बलमा दुई चौका र एक छक्काको सहयोगमा २७ रनमा आउट हुनुभयाे ।
कप्तान रोहितकुमार पौडेलले सात बलमा पाँच रन जोड्दै आउट हुनुभयाे । आरिफ शेखले २३ बलमा तीन चौका र दुई छक्काको सहयोगमा ३९ रन बनाउनुभयाे। उपकप्तान दीपेन्द्रसिंह ऐरीले १२ बलमा १६ रनमा अविजित रहनुभयाे । लोकस बम चार बलमा १२ रनमा अविजित रहनुभयाे ।
नेदरल्याण्ड्सका रोलफ भान डर, मर्वे बेन फ्लेचर, आर्यन दत्त र जाच लायन काचेटले समान एक–एक विकेट लिनुभयाे । त्यसअघि टस जितेर पहिला ब्याटिङको निम्तो पाएको नेदरल्याण्ड्सले निर्धारित २० ओभरमा सात विकेट गुमाउँदै एक सय ७४ रनको योगफल बनाएको थियो ।
नेदरल्याण्ड्सका लागि ओपनर माइकल लेविटले सर्वाधिक ८६ रनको योगफल बनाउनुभयाे। उहाँले ५३ बलमा छ चौका र पाँच छक्काको सहयोगमा ८६ रन बनाउनु भएकाे हाे । त्यस्तै रोइलेफ भान डर मिर्वोले २१ बलमा ३६ रन बनाउनुभयाे भने आर्यान दत्तले १८ बलमा १७ रन बनाउँदै नटआउट रहनुभयाे । सकिव जुल्फिकरले ११ बलमा १४ रन जाेड्नुभयाे । त्यसबाहेक नेदरल्याण्ड्सका अन्य ब्याटरले दोहोरो अङ्कमा रन जोड्न सक्नुभएन ।
नेपालका लागि करण केसीले दुई विकेट लिनुभयाे भने सन्दीप लामिछाने, रुपेस सिंह, ललितनारायण राजवंशी र दीपेन्द्रसिंह ऐरीले समान एक–एक विकेट लिनुभयाे । अब नेपालले भोलि शृङ्खलाको अन्तिम खेल स्कटल्याण्डसँग खेल्ने छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच