काठमाडौं । कृषि तथा पशुपन्छी विकासमन्त्री रामनाथ अधिकारीले देशको कुल गार्हस्थ्य उत्पादनमा करिब २३ प्रतिशत योगदान गर्ने कृषि क्षेत्रको सर्वाङ्गीण विकासबिना राष्ट्रिय समृद्धि सम्भव नभएको बताउनुभएको छ । उच्च मूल्य कृषि वस्तु उत्थानशील कार्यक्रम(आर-एचभिएपी) स्थापना कार्यशालामा बोल्दै उहाँले राष्ट्रिय आय, खाद्य तथा पोषण सुरक्षा, रोजगारी सिर्जना र गरिबी निवारणमा कृषि क्षेत्रबाट विगत दशकहरूदेखि नै महत्वपूर्ण योगदान रहँदै आएकाले कृषि क्षेत्रको दिगो विकासमा थप सहयोग गर्ने विश्वास व्यक्त गर्नुभयो ।
मन्त्री अधिकारीले कर्णाली, लुम्बिनी र सुदूरपश्चिम प्रदेशका २० जिल्लाका ८० पालिकामा सञ्चालनमा आएको उच्च मूल्य कृषिवस्तु उत्थानशील कार्यक्रमले कृषि पारस्थितिकीय र उत्थानशील खेती प्रणाली प्रवद्र्धनमार्फत् उक्त क्षेत्रमा उच्च सम्भावना भएका उच्च मूल्य कृषि वस्तुको प्रवद्र्धन गर्दै बजारीकरणमार्फत् साना किसानको आयआर्जन र गरिबी निवारणमा महत्वपूर्ण योगदान पुर्याउने बताउनुभयो ।
विगतदेखि नै परम्परागत खेती प्रणालीबाट उत्पादित बालीहरूको व्यावसायीकरण गरी मूल्य शृंखला विकासमार्फत् निर्यात प्रवद्र्धन गर्न सके कृषकको जीवनस्तरमा सुधार ल्याई राष्ट्रिय अर्थतन्त्रमा समेत ठूलो टेवा पुग्ने मन्त्री अधिकारीको भनाइ थियो । नेपाल सरकार र इन्टरनेसनल फण्ड फर एग्रिकल्चर डेभलपमेन्ट(आइफाड)बीच सम्झौता भई आठ वर्ष अवधिका लागि लुम्बिनी, कर्णाली र सुदूरपश्चिम प्रदेशअन्तर्गत २० जिल्लाका ८० पालिकामा लागू हुने उक्त कार्यक्रमले नाफामूलक, समावेशी र पर्यावरणीय दिगो खाद्य प्रणालीको अवलम्बनमार्फत् युवा, महिला, जनजाति र आदिवासीको सशक्तीकरण गर्दै गरिबी निवारण र साना किसानको उत्थानशीलता सुधार गर्ने लक्ष्य लिएको छ ।
कार्यक्रममार्फत् बुटवल उपमहानगरपालिकामा अन्तर्राष्ट्रियस्तरको कृषि बजार निर्माण गरी सञ्चालन गरिने कृषि तथा पशुपन्छी विकास मन्त्रालयका सचिव डा. गोविन्दप्रसाद शर्माले जानकारी दिनुभयो । जसमार्फत् देशका अन्य क्षेत्रमा स्थापना भएका स-साना कृषि बजार आबद्ध गरी उच्च मूल्य कृषि वस्तुहरूको क्षेत्रीय र अन्तर्राष्ट्रिय बजारमा निर्यात प्रवद्र्धन गर्न सक्ने सम्भावनासमेत रहेको उहाँको भनाइ थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर