काठमाडौं । हिमालयन एभरेष्ट इन्स्योरेन्स कम्पनीकी प्रमुख कार्यकारी अधिकृत(सिइओ) अञ्जु श्रेष्ठ अन्तर्राष्ट्रियस्तरको प्रतिष्ठित सम्मानबाट सम्मानित हुनुभएको छ । उहँलाई ओमन्स टाव्लोइड ‘द भ्वाइस अफ ओमन’ले ‘बेस्ट ओमन सिइओ इन स्ट्राटेजिक लिडरसिप-जनरल इन्स्योरेन्स २०२५’ द्वारा सम्मान गरिएको हो ।
अवार्ड प्राप्तिपछि खुसी व्यक्त गर्दै श्रेष्ठले भन्नुभयो, ‘यो सम्मान केवल मेरो व्यक्तिगत उपलब्धिमात्र नभई यो समग्र नेपाली बीमा उद्योगको उपलब्धि हो र यसमा सक्रिय सम्पूर्ण महिलाको सामूहिक पहिचान पनि हो ।’ उहाँले आफ्नो टिमको निरन्तर साथ, परिश्रम र प्रतिबद्धतालाई पनि सफलताको मूल आधार मान्नुभएको छ । बेलायतमा मुख्यालय रहेको उक्त संस्था एक अन्तर्राष्ट्रिय सञ्चार संस्था हो, जसले व्यवसाय, नेतृत्व र उद्यमशीलता क्षेत्रमा विशिष्ट योगदान दिने महिला पहिचान र सम्मान गर्दै आएको छ ।
हरेक वर्ष विश्वभरका प्रेरणादायी महिलालाई विविध विधामा सम्मान गर्नेक्रममा यस वर्ष श्रेष्ठले बीमा क्षेत्रतर्फको सर्वोच्च नेतृत्व अवार्ड प्रदान गरिएको हो । उक्त संस्थाका व्यवसाय विकास प्रबन्धक ड्यानियल डी कोस्टाले भन्नुभयो, ‘महिलाले व्यवसाय र नेतृत्वमा पु¥याएको योगदान अद्वितीय छ । हाम्रो प्रयास उनीहरूको मिहिनेत र उपलब्धि अन्तर्राष्ट्रियस्तरमा उजागर गर्नु हो ।’ श्रेष्ठको नेतृत्वमा हिमालयन एभरेष्ट इन्स्योरेन्सले बीमा क्षेत्रमा नवीनता, पारदर्शिता र ग्राहकमुखी सेवामा उल्लेखनीय सुधार ल्याएको छ । रणनीतिक योजनाको प्रभावकारी कार्यान्वयन, डिजिटल प्रविधि प्रयोग र संस्थागत सुशासनमार्फत् कम्पनीले पछिल्ला वर्ष निरन्तर प्रगति हासिल गर्दै आएको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच