काठमाडौं । सन् २०२६ मा आयोजना हुने टी-२० विश्वकप खेल्ने १३ देशको टुंगो लागेको छ । अर्को वर्ष भारत र श्रीलंकामा हुने टी-२० विश्वकप खेल्ने २० मध्ये १३ राष्ट्रको टुंगो लागेको हो । जसमा पछिल्लोपटक क्यानडाले आफ्नो स्थान पक्का गरेको छ । आफ्नै घरेलु मैदानमा आयोजना भएको ‘अमेरिकाज क्वालिफायर्स’बाट क्यानडा विश्वकपमा छनोट भएको हो । अघिल्लो टी-२० विश्वकपको आयोजकका नाताले अमेरिका स्वतः छनोट भएपछि क्यानडाको यात्रा सहज बनेको थियो ।
सन् २०२६ को विश्वकपमा २० वटा राष्ट्र सहभागी हुँदैछन् । आयोजक भारत र श्रीलंकासँगै अफगानिस्तान, अष्ट्रेलिया, बंगलादेश, इंग्ल्याण्ड, साउथ अफ्रिका, अमेरिका, वेस्ट इण्डिज, आयरल्याण्ड, न्युजिल्याण्ड र पाकिस्तान विश्वकपमा स्थान बनाएका राष्ट्र हुन् ।
क्यानडासहित १३ वटा राष्ट्रहरूले विश्वकप खेल्ने टुंगो भइसकेको छ । सातवटा राष्ट्रहरूको टुंगो लाग्न बाँकी छ । आगामी ५ देखि ११ जुलाइसम्म हुने युरोप क्वालिफायरबाट दुई, १९ सेप्टेम्बरदेखि ४ अक्टोबरसम्म हुने अफ्रिका क्वालिफायरबाट दुई तथा १ देखि १७ अक्टोबरसम्म हुने एसिया-इएपी क्वालिफायरबाट तीन राष्ट्रहरूले टी-२० विश्वकप खेल्नेछन् ।
नेपाल पनि टी-२० विश्वकप खेल्ने आकांक्षी राष्ट्र हो । नेपालले विश्वकपमा स्थान बनाउन अक्टोबर १ देखि १७ सम्म ओमानमा हुने एसिया-इएपी (पूर्वी एसिया प्यासिफिक) क्वालिफायरमा भिड्नुपर्नेछ । यदि प्रतियोगिताको टप ३ मा पर्न सफल भएको खण्डमा नेपालले छिमेकी देशहरूमा हुने टी-२० विश्वकपमा स्थान बनाउनेछ । नेपालले गत वर्ष अमेरिका र वेस्ट इण्डिजमा आयोजना भएको टी-२० विश्वकपमा दोस्रोपटक भाग लिएको थियो ।
एसिया–इएपी क्वालिफायरमा नेपालसहित थप आठवटा राष्ट्रहरू पपुवा न्युगिनी, सामोआ, कुवेत, मलेसिया, जापान र युएईले प्रतिस्पर्धा गर्नेछन् । नेपालपछि पिएनजी, युएई र कुवेत बलिया टिम हुन् । यीमध्ये तीन टिम ‘टप थ्री’मा पुगेर विश्वकपमा स्थान बनाउने आँकलन अहिले भइरहेको छ । आउँदो टी-२० विश्वकपमा पाँच क्षेत्र (एसिया, युरोप, अफ्रिका, पूर्वी एसिया प्यासिफिक र अफ्रिका) बाट निश्चित प्रतिनिधित्व हुनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच