काठमाडौं । नेपाली महिलाहरूको महान् पर्व हरितालिका तीजको छेको पारेर आगामी भदौ ६ गतेदेखि सिनेमाघरमा आउने मिति तय गरेको चलचित्र ‘माग्ने राजा’को टिजर सार्वजनिक गरिएको छ । हास्यरसले भरिएको दुई मिनेट लामो टिजरमा कलाकार केदार घिमिरे ‘माग्ने बुढा’को शान-सौकत र ऐस-आरामयुक्त जिन्दगी देखाइएको छ । टिजरमा उहाँ दुई अलग गेटअपमा प्रस्तुत हुनुभएको छ । केदारका भिन्न स्वरूप देखिने टिजर रमाइला संवादले भरिएको छ । केदारसहित विल्सनविक्रम राई, वर्षा सिवाकोटी र शिशिर वाङदेल पनि अटाउनुभएको छ टिजरमा ।
केदार घिमिरेलाई पोष्टरमार्फत् नै भिन्न स्वरूपमा प्रस्तुत गरेर चर्चा कमाएको निर्माण टिमले टिजरमा पनि माग्नेलाई नयाँ स्वरूपमा प्रस्तुत गरेको छ । ‘माग्ने राजा’मार्फत केदार घिमिरे पहिलोपटक मुख्य भूमिकामा देखिन लाग्नुभएको हो । आरम्भ प्रडक्सनको ब्यानरमा मुनाल घिमिरेको प्रस्तुतकर्ता र मधुसूदन शर्मा निर्माता रहेको चलचित्रलार्ई ऋषि लामिछानेले निर्देशन गर्नुभएको हो ।
चलचित्रमा नरेन्द्र मैनालीको छायांकन, सामीप्यराज तिमल्सेनाको लेखन, सुजिल कर्माचार्यको पाश्र्व संगीत र मित्र गुरुङको सम्पादन छ । चलचित्रको टिजर साहिल खानले तयार गर्नुभएको हो । यो चलचित्रलाई आरआर फिल्मले वितरण गर्दैछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर