प्यूठान । ‘ठूलो भवन होइन, ठूलो सोच नै विकास हो’ झिमरुक गाउँपालिकाका न्यायिक समितिका संयोजक प्रमोद पोखरेलको यो भनाइ अहिले गाउँका विद्यालयहरूमा गुञ्जिरहेको छ । झिमरुक गाउँपालिकाको न्यायिक समितिले स्थानीय १२ वटा सामुदायिक विद्यालय र एक क्याम्पस गरी १३ शैक्षिक संस्थामा कानुनी शिक्षा तथा न्यायिक सचेतना कार्यक्रम सञ्चालन गरेको न्यायिव समितिका सदस्य ददिराम पोखरेलले बताउनुभयो । १२ सयजना विद्यार्थी एक सय बढी शिक्षक गरी १३ सय बढीलाई कानुनी शिक्षा कार्यक्रममा सहभागी गराएको न्यायिक समितिका संयोजक प्रमोद पोखरेल बताउनु हुन्छ ।
कानुनी शिक्षा कार्यालममा स्थानीय सरकार भनेको के हो ? यसको गठन प्रक्रिया, विकास र सेवाको हिसाबले कस्ता-कस्ता काम गर्छ, न्यायिक समिति भनेको के हो ? यसको गठन प्रक्रिया र न्यायिक समितिले हेर्न मिल्ने ४७ एक अनुसारका मुद्दा र ४७ दुई अनुसारका मुद्दाको बारेमा कानुनी शिक्षा कार्यक्रम प्रदान गरिएको छ । कानुनी शिक्षा कार्यक्रममा बालविवाह भनेको के हो ? बालविवाहले पार्ने असर र कानुनी कारबाहीको विषयमा सामग्रीहरू प्रस्तुत गरिएको बलभद्र माविका प्रअ शेरबहादुर थापाले जानकारी दिनुभएको छ ।
कार्यक्रमले विद्यार्थीहरूलाई स्थानीय सरकार, न्यायिक समितिको कार्यक्षेत्र, कानुनी पहुँच, मेलमिलाप प्रणाली, बालविवाह निवारण, लागूपदार्थ दुरुपयोग रोकथाम विविध विषयमा व्यावहारिक र मर्मस्पर्शी ज्ञान दिएको प्रअ विजयसागर गिरीले बताउनु हुन्छ । किताबमा पढाउने सैद्धान्तिक कुराभन्दा फरक र मन छुने शैलीमा न्यायिक समितिले विद्यार्थीलाई सिकाएका कुरा दीर्घकालीन प्रभाव पार्ने खालका छन् ।
ADVERTISEMENT
न्यायिक शिक्षा चेतनाको साँचो विकास हो, न्यायिक समितिका संयोजक प्रमोद पोखरेल भन्नुहुन्छ, ‘सडक र भवनमात्रै विकास होइन, चेतनाको विकास, सोचमा परिवर्तन र युवामा जागरण ल्याउनु नै साँचो विकास हो ।’ उहाँले सामाजिक कुरीतिबाट युवापुस्तालाई जोगाउन, तनाव र द्वन्द्वको व्यवस्थापन गर्न तथा स्थानीय सरकारलाई बलियो बनाउन विद्यार्थीस्तरमै कानुनी शिक्षा अपरिहार्य भएको बताउनुभयो । झिमरुक गाउँपालिका वडा नम्बर-८ का अध्यक्ष तुलस बस्नेतले चेतनामूलक कार्यक्रमले पालिकाको विविध सामाजिक सूचक सुधारमा उल्लेखनीय योगदान पुग्ने बताउनुहुन्छ ।
बहुआयामिक सहभागिता र सन्देशमूलक कानुनी शिक्षा कार्यक्रममा सरकारी वकिल, प्रहरी अधिकृत, प्राध्यापक, कानुनी सल्लाहाकार जस्ता विभिन्न क्षेत्रका विज्ञ प्रशिक्षकले सहभागीलाई फरक-फरक विषयमा प्रशिक्षण दिनुभएको प्रशिक्षक सरकारी वकिल नरेन्द्र देवकोटाले बताउनुभयो । प्रशिक्षणमा सहभागी विद्यार्थीलाई १ सय ५० रुपैयाँ नगद खाजा खर्च, डायरी र कलम वितरण गरिएको थियो । विद्यार्थीहरूले यस्ता कार्यक्रम नियमित रूपमा सञ्चालन गरिनुपर्ने आग्रह गरेपछि गाउँपालिकाले आगामी वर्षको कार्ययोजनामा समावेश गरेकोे सहायक अधिकृत यामलाल पोखरेल बताउनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच