एजेन्सी । विम्बल्डन टेनिस प्रतियोगिताअन्तर्गत वर्षको तेस्रो ग्राण्ड स्लाममा महिलातर्फको एकल प्रतिस्पर्धामा विश्व नम्बर एक खेलाडी आर्यना साबालेन्काले विजयी सुरुवात गर्दै दोस्रो चरणमा स्थान बनाउनुभएको छ । बेलारुसी टेनिस स्टार साबालेन्काले पहिलो चरणमा क्यानडाकी युवा खेलाडी कार्सन ब्रान्स्टाइनलाई सोझो सेटमा पराजित गर्नुभयो । उहाँले ब्रान्स्टाइनविरुद्ध ६-१ र ७-५ को नतिजा निकाल्दै सहज जित दर्ता गर्नुभयो ।
साबालेन्काको अर्को चुनौती अब दोस्रो चरणमा चेक रिपब्लिककी मारी बोज्कोभासँग हुनेछ । बोज्कोभाले पहिलो चरणमा अष्ट्रेलियाकी लुलु सुनलाई ६-४, ६-४ ले हराउँदै दोस्रो चरणमा स्थान सुरक्षित गर्नुभएको थियो । दुवै खेलाडी अहिले उत्कृष्ट लयमा देखिएकाले उहाँहरूबीचको दोस्रो चरणको खेल प्रतिस्पर्धात्मक हुने अपेक्षा गरिएको छ ।
यसैबीच, पूर्व विश्व नम्बर एक जापानी खेलाडी नाओमी ओसाकाले पनि विजयी सुरुवात गर्दै दोस्रो चरणमा प्रवेश गर्नुभएको छ । साथै, हालै फ्रेन्च ओपनको फाइनलसम्म यात्रा गर्नुभएकी इटालीकी जास्मिन पाओलिनी र बेलायतकी चर्चित युवा खेलाडी इम्मा राडुकानुले समेत पहिलो चरणमा विजय हासिल गर्दै दोस्रो चरणमा स्थान बनाउनुभएको हो ।
महिलातर्फको यो वर्षको विम्बल्डन प्रतियोगिता निकै रोमाञ्चक बन्दै गएको छ, जहाँ शीर्ष वरीयताका खेलाडीहरू धमाधम अगाडि बढिरहेका छन् । दर्शकहरूले यसपटकको उपाधि यात्रालाई निकै उत्सुकताका साथ हेरेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच