नयाँदिल्ली । बलिउड अभिनेत्री ज्याकलिन फर्नान्डेजविरुद्धको सम्पत्ति शुद्धीकरण (मनी लान्ड्रिङ) मुद्दामा प्रवर्तन निर्देशनालय (इडी) को अनुसन्धान जारी रहने भएको छ । दिल्ली उच्च अदालतले एफआइआर खारेज गर्न अभिनेत्रीले दायर गरेको निवेदन अस्वीकार गरेको हो ।
इडीले ठगीको आरोप लागेका सुकेश चन्द्रशेखरसँग सम्बन्धित २०० करोड रुपैयाँको मनी लान्ड्रिङ प्रकरणमा ज्याकलिनलाई पनि अभियुक्त बनाएको छ । सुकेशले तिहाड जेलमा रहँदा आफूमार्फत् शिविंदर र मालविंदर सिंहलाई रिहा गराइदिने भन्दै ठगी गरेको आरोप छ । उनले आफूलाई प्रधानमन्त्री कार्यालय वा गृह मन्त्रालयका अधिकारीका रूपमा चिनाउँदै जेल प्रशासनसम्मलाई प्रभावमा पारेको पाइएको छ ।
सुकेशकी श्रीमती तथा अभिनेत्री लीना पल पनि यस प्रकरणमा संलग्न रहेकी छन् । उनीमाथि पैसा स्थानान्तरणमा संलग्न भएको आरोप छ । इडीका अनुसार सुकेश र ज्याकलिनबीच जनवरी २०२१ मा सम्पर्क सुरु भएको थियो । तिहाड जेलमा हुँदा पनि उनी फोनमार्फत् अभिनेत्रीसँग नियमित सम्पर्कमा थिए । सुकेशले ज्याकलिनलाई ५२ लाख रुपैयाँको अरबी घोडा, नौ लाखका तीन पर्सियन बिरालो, हीरा सेट, सुनचाँदीका गहना र आयातित सामग्रीहरू उपहार दिएका थिए ।
उनले अभिनेत्रीका लागि चार्टर्ड फ्लाइट बुक गर्नुका साथै उनका भाइसँग पनि आर्थिक लेनदेन गरेको बताइएको छ । सुकेशले उनीसँग व्यक्तिगत सम्बन्ध रहेको दाबी पनि गरेका छन् ।
सुकेशले अभिनेत्री लीना पलसँग सन् २०१० मा भेटघाट गरेका थिए । पछि उनीहरू सँगै बस्न थाले र सन् २०१५ मा विवाह गरे । लीनाले ‘मद्रास क्याफे’ फिल्ममा अभिनय गरेकी थिइन् । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच