काठमाडौं । मलेसियामा जारी एसिसी यू-१६ इस्टजोन कप क्रिकेट प्रतियोगिताको उपाधि नेपालले जितेको छ । शनिबार सम्पन्न फाइनल खेलमा सिंगापुरलाई २ विकेटले पराजित गर्दै नेपालले उपाधि आफ्नो पोल्टामा पारेको हो ।
सिंगापुरले प्रस्तुत गरेको ११४ रनको सामान्य लक्ष्य नेपालले २८.५ ओभरमा ८ विकेटको क्षतिमा पूरा गर्यो । नेपालको जितमा जोय थापाले अविजित २४ रनको योगदान दिनुभयो । त्यसअघि टस जितेर पहिले ब्याटिङ गरेको सिंगापुर ४०.५ ओभरमा ११३ रनमै समेटिएको थियो । उसका लागि रोहन अस्टिनले सर्वाधिक २३ रन बनाउनुभयो । उहाँले ८४ बलको सामना गर्नुभएको थियो । रिहान नाइकले १५ रनको योगदान दिनुभयो ।
बलिङतर्फ नेपालका लागि अभय यादव र सुशीलबहादुर रावलले समान ३-३ विकेट लिनुभयो । शुभम खनालले २ तथा कप्तान विपिनप्रसाद शर्माले १ विकेट लिनुभयो । नेपाल प्रतियोगिताभरि अपराजित रहँदै च्याम्पियन बनेको हो । समूह चरणमा पनि नेपालले सिंगापुरलाई पराजित गरेको थियो ।
सेमिफाइनलमा नेपालले आयोजक मलेसियालाई पराजित गर्दै फाइनलमा स्थान बनाएको थियो भने सिंगापुरले हङकङलाई हराएको थियो । नेपाल अपराजित रहँदै च्याम्पियन भएको हो । नेपालले समूह चरणमा सिंगापुर, जापान, इण्डोनेसिया र भुटान तथा सेमिफाइनलमा घरेलु टोली मेलसियालाई पराजित गरेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच