काठमाडौं । आइसिसी पुरुष एकदिवसीय अन्तर्राष्ट्रिय वरीयतामा नेपाल यथास्थानमा रहेको छ । अन्तर्राष्ट्रिय क्रिकेट परिषद् (आइसिसी)ले आइतबार सार्वजनिक गरेको नयाँ वरीयतामा नेपाल एकदिवसीयमा १७औँ र टी-२० आईमा १८औँ स्थानमै कायम रहेको छ । एकदिवसीय वरीयतामा नेपालले हालसम्म ३१ खेलमा ३३ रेटिङ अंक जोडेको छ । नेपालभन्दा माथि ओमान १६औँ तथा तल क्यानडा १८औँ रहेका छन् ।
हालै सम्पन्न आइसिसी विश्वकप लिग-२ अन्तर्गत स्कटल्याण्डमा भएको त्रिकोणात्मक सिरिजमा नेपालले आठमध्ये ६ अंक जोडेको थियो । नेदरल्याण्ड्ससमेत सम्मिलित उक्त सिरिजमा नेपालले तीन खेलमा जित र एक खेलमा हार बेहोरेको थियो । यद्यपि, वरीयतामा सुधार हुने अपेक्षा गरे पनि नेपालको स्थान यथावत् रहृयो । आइसिसीले सार्वजनिक गरेको नयाँ वरीयतामा पाकिस्तान एक स्थान उक्लिएको छ भने श्रीलंकाले एक स्थान गुमाएको छ ।
आइसिसीले एक वर्षको अवधिमा प्रदर्शनका आधारमा तयार पारेको तथ्यांकअनुसार एकदिवसीय क्रिकेटमा आरिफ शेख अगाडि हुनुहुन्छ । उहाँले नौ खेलमा ४५.२५ को औसतमा ३६२ रन जोड्नुभएको छ । कप्तान रोहित पौडेलले १० इनिङ्समा २६५ रन (औसत २६.५०) जोड्नुभएको छ । घाइते भएर केही खेल गुमाउनुभएका अलराउन्डर गुल्शन झा पनि उत्कृष्ट लयमा देखिनुभएको छ । उहाँले नौ खेलमा २०४ रन बटुलेर तेस्रो स्थानमा हुनुहुन्छ । बलिङतर्फ सन्दीप लामिछाने एक वर्षको अवधिमा १० इनिङ्समा १५ विकेटसहित अगाडि हुनुहुन्छ । सोमपाल कामीले १३ विकेट (९ इनिङ्स) र गुल्शनले १२ विकेट (८ इनिङ्स) लिनुभएको छ । टी-२० अन्तर्राष्ट्रियमा ओपनर कुशल भुर्तेलले ४१ इनिङ्समा ३७.३३ को औसतमा ४४८ रन बनाउँदै शीर्षस्थानमा रहनुभएको छ ।
वरीयताको शीर्ष स्थानमा भारत यथावत् छ । यसैगरी दोस्रोदेखि क्रमशः न्युजिल्याण्ड, अस्ट्रेलिया, पाकिस्तान, श्रीलंका, दक्षिण अफ्रिका, अफगानिस्तान, बंगलादेश र वेस्ट इण्डिज छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर