काठमाडौं । अफगानिस्तानका अन्तर्राष्ट्रिय क्रिकेट अम्पायर बिसमिल्लाह जान शिनवारीको निधन भएको छ । लामो समयदेखि अस्वस्थ रहँदै आउनुभएका शिनवारीको ४१ वर्षको उमेरमा निधन भएको अफगानिस्तान क्रिकेट बोर्डले पुष्टि गरेको छ । १९८४ मा जन्मिनुभएका शिनवारीले आफ्नो करियरमा ३४ एकदिवसीय अन्तर्राष्ट्रिय र २६ टी-२० अन्तर्राष्ट्रिय (टी-२०आई) खेलमा अम्पायरिङ गर्नुभएको थियो । उहाँ अफगानिस्तानको एलिट अम्पायरिङ प्यानलका एक सम्मानित सदस्य हुनुहुन्थ्यो ।
शिनवारीले ३१ फस्र्ट क्लास, ५१ लिस्ट ‘ए’ र ९६ घरेलु टी-२० खेलहरूमा पनि अम्पायरिङ गर्नुभएको थियो । उहाँ अफगान क्रिकेटका समर्पित सेवकका रूपमा चिनिनुहुन्थ्यो । नेपालले खेलेका विभिन्न अन्तर्राष्ट्रिय खेलहरूमा पनि अम्पायरिङ गर्नुभएका शिनवारीले नेपालमा आयोजना भएको नेपाल प्रिमियर लिग (एनपीएल) क्रिकेटको पहिलो संस्करणमा समेत अम्पायरको भूमिका निर्वाह गर्नुभएको थियो ।
अफगानिस्तान क्रिकेट बोर्डले एक शोक सन्देश जारी गर्दै शिनवारीप्रति गहिरो श्रद्धाञ्जली अर्पण गरेको छ । बोर्डले भनेको छ, ‘हामी अत्यन्त दुखी र स्तब्ध छौं । बिसमिल्लाह जान अफगान क्रिकेटका महान् सेवक हुनुहुन्थ्यो । हामी उहाँको परिवार, मित्र र सम्पूर्ण अफगान क्रिकेट समुदायप्रति हार्दिक समवेदना प्रकट गर्छौं ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
टेलिभिजनमा फर्किए ‘हर्के हल्दार’
‘बाः एक योद्धा’को ‘नभन्नू कोइसित’
‘आमा’बाट आरम्भ भयो ‘ओल्ड इज
‘जलाकी’ को पहिलो गीत ‘चाँदी
तीनै प्रतिष्ठानमा कुलपतिसहित पदाधिकारी नियुक्त
राशिफल २३ साउन, मेष :