लण्डन । सर्बियाली टेनिस स्टार नोभाक जोकोभिच विम्बल्डन-२०२५ को क्वाटरफाइनलमा पुग्नुभएको छ । सोमबार राती भएको राउण्ड अफ १६ को खेलमा अस्ट्रेलियाका ११औँ वरीयताका एलेक्स डे मिनौरलाई १–६, ६–४, ६–४, ६–४ ले पराजित गर्नुभएको हो । ३८ वर्षीय जोकोभिच १६औँ पटक यस प्रतियोगिताको क्वाटरफाइनलमा प्रवेश गर्नुभएको हो । अब उहाँको सामना इटालियन स्टार फ्लाभियो कोबोलीसँग हुनेछ ।
जोकोभिचबाहेक अमेरिकाकी टेलर फ्रिट्ज, रुसकी करेन खाचानोभ, बेलायतकी क्यामरुन नोरी र स्पेनकी कार्लोस अल्काराज पनि शीर्ष आठमा पुग्नुभएको छ । महिलातर्फ विश्व नम्बर १ एरिना साबालेन्का, जर्मनीकी लौरा सिगेमुन्ड, अमेरिकाकी अमान्डा एनिसिमोभ, स्विट्जरल्याण्डकी बेलिंडा बेन्सिक, रुसकी लुडमिला सामसोनोभा पनि क्वाटरफाइनलमा पुग्नुभएको छ । साथै, भारतका युकी भाम्ब्री र उहाँका अमेरिकी पार्टनर रोबर्ट ग्यालोवे पुरुष युगल वर्गमा स्पेनका मार्सेल ग्रानोलर्स र अर्जेन्टिनाका होरासियो जेबालोससँग कठिन खेलमा पराजित हुनुभयो ।
ADVERTISEMENT
टेलर फ्रिट्जले पुरुष एकलमा वाकओभर पाउनुभयो । विश्व नम्बर ५ अमेरिकाका टेलर फ्रिट्जले अस्ट्रेलियाका जोर्डन थम्पसनसँग वाकओभर पाउनुभयो । वाकओभरको समयमा, फ्रिट्ज ६–१, ३–० ले अगाडि हुनुहुन्थ्यो । दोस्रो खेलमा रूसका करेन खाचानोभले पोल्याण्डका कामिल माजेरेकलाई ६–४, ६–२, ६–३ ले पराजित गर्नुभयो । बेलायतका क्यामरुन नोरीले चिलीका निकोलस ज्यारीलाई ६–३, ७–६, ६–७, ६–७, ६–३ ले र स्पेनका कार्लोस अल्काराजले एन्ड्रे रुबलेभलाई ६–७, ६–३, ६–४, ६–४ ले पराजित गर्दै शीर्ष आठमा प्रवेश गर्नुभयो ।
विश्व नम्बर १ बेलारुसकी एरिना साबालेन्काले मेर्टेन्सलाई ६–४, ७–६ (७–४) को अन्तरले पराजित गर्नुभयो । जर्मनीकी लौरा सिगेमुन्डले अर्जेन्टिनाकी सोलाना सिएरालाई ६–३, ६–२ ले पराजित गर्नुभयो । अमेरिकाकी अमान्डा एनिसिमोभले चेक गणराज्यकी लिन्डा नोस्कोभालाई ६–२, ५–७, ६–४ ले पराजित गर्नुभयो । स्विट्जरल्याण्डकी बेलिन्डा बेन्सिकले एकाटेरिना अलेक्जान्ड्रोभालाई ७–६, ६–४ ले र रुसकी लुडमिला सामसोनोभाले स्पेनकी जेसिका बुजस मानेरोलाई ७–५, ७–५ ले पराजित गर्नुभयो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
विष्णुपुराण संक्षिप्त चर्चा
हात्ती आयो हात्ती आयो फुस्सा
नेपालीमूलका रानाभाट दम्पती बेलायतको लन्डन
निजी क्षेत्रलाई विश्वासमा लिएर लगानीको
साहित्य परिषद् भूटानको अध्यक्षमा खेम