काठमाडौं । फिफा वरीयतामा नेपाली पुरुष राष्ट्रिय फुटबल टिम एक स्थानले पछाडि परेको छ । विश्व फुटबलको सर्वोच्च निकाय फिफाले बिहीबार सार्वजनिक गरेको नयाँ वरीयताअनुसार नेपाल १७६औँ स्थानमा पुगेको हो । यसअघि नेपाल १७५औँ स्थानमा थियो ।
नेपालले फिफाको पछिल्लो जुन विन्डोमा दुई अन्तर्राष्ट्रिय खेल खेलेको थियो । त्यसक्रममा नेपालले हङकङसँगको मैत्रीपूर्ण खेलमा गोलरहित बराबरी खेलेको थियो भने एएफसी एसियन कप छनोटअन्तर्गत लाओससँग दुई-एकले पराजित भएको थियो । लाओसमै भएको उक्त खेलमा नेपाल हार्दा नेपाली फुटबल इतिहासमै लाओससँगको यो पहिलो पराजय हो ।
दक्षिण एसियामा नेपाल तेस्रो स्थानमा
दक्षिण एसियाली राष्ट्रहरूका सन्दर्भमा भने नेपाल तेस्रो स्थानमा रहेको छ । भारत ६ स्थान खस्कँदै १३३औँ स्थानमा झरेको भए पनि दक्षिण एसियाको शीर्ष स्थानमा यथावत् रहेको छ । माल्दिभ्स सात स्थान घटेर १७१औँ स्थानमा पुगेको छ र दोस्रो स्थानमा छ । नेपाल १७६औँ स्थानमा तेस्रोमा रहँदा, चौथो स्थानमा रहेको बंगलादेश १८४औँ स्थानमा छ । बंगलादेश एक स्थान घटेको हो ।
त्यस्तै, भुटान चार स्थान घट्दै १८६औँ स्थानमा पाँचौंमा पुगेको छ । श्रीलंका भने सुधार गर्दै २००औँ स्थानबाट १९६औँ स्थानमा उक्लिएको छ । पाकिस्तान भने तीन स्थान खस्कँदै २०१औँ स्थानमा झरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर