समाचार सारांश
-
फर्सीको मुन्टा भिटामिन, खनिज र फाइबरको भरपूर स्रोत हो, जसले शरीरलाई रोगसँग लड्न सक्षम बनाउँछ।
-
नियमित सेवनले उच्च रक्तचाप, कोलेस्ट्रोल, मधुमेह र क्यान्सरजस्ता रोगबाट जोगिन मद्दत गर्छ।
-
यसले आँखा तेजिलो बनाउने, प्रजनन क्षमता बढाउने र पाचन प्रणाली सुधार्ने काम गर्छ।
-
भिटामिन सी र एन्टिअक्सिडेन्टले छालालाई स्वस्थ राख्ने र उमेरको असर कम गर्ने गर्छ।
काठमाडौं । हरियो सागपातलाई स्वास्थ्यका लागि अत्यन्त लाभदायक मानिन्छ । चिकित्सकहरूका अनुसार विशेषगरी फर्सीको मुन्टामा अत्यधिक पोषण पाइन्छ, जुन आँखा तेजिलो बनाउनदेखि लिएर खतरनाक रोगबाट जोगिन सहयोगी हुन्छ ।
पौष्टिक तत्त्वले भरिपूर्ण फर्सीको मुन्टा भिटामिन ए, बी–६, सी, ई, फोलिक एसिड, पोटासियम, क्याल्सियम, आइरन, कपर, म्याग्नेशियम, प्रोटिन, फस्फोरस र फाइबरको राम्रो स्रोत हो । युएसडीएका अनुसार फर्सीको पातले शरीरलाई विभिन्न रोगसँग लड्ने क्षमता दिन्छ ।
फर्सीको साग नियमित भोजनमा समावेश गर्दा उच्च रक्तचाप, कोलेस्ट्रोल, मधुमेह र क्यान्सर जस्ता रोगबाट जोगिन सकिन्छ । यसमा पाइने फाइबरले पाचन प्रणाली सुधार गर्न मद्दत गर्छ, जसले कब्जियत कम गर्छ र मल त्याग सजिलो बनाउँछ ।
फर्सीको मुन्टामा रहेको भिटामिन ‘ए’ आँखाको दृष्टि सुधारमा लाभदायक हुन्छ भने यसले प्रजनन क्षमतामा समेत वृद्धि ल्याउने चिकित्सकीय दाबी छ । पुरुषहरूमा स्पर्म उत्पादनको क्षमता बढाउने फाइदा पनि यसमा निहित छ ।
यस सागमा प्रशस्त मात्रामा पाइने एन्टिअक्सिडेन्टले उमेर बढेसँग आउने असरहरू कम गर्छ र छालालाई पनि स्वस्थ, चम्किलो र कडा बनाउन सहयोग गर्छ । भिटामिन ‘सी’ ले मृत छाला तन्तु पुनर्जीवित गर्न र छालालाई स्वस्थ राख्न भूमिका खेल्दछ ।
यसबाहेक, मधुमेह रोग नियन्त्रण गर्न फर्सीको मुन्टामा रहेको हाइपोग्लिसेमिक तत्व उपयोगी मानिन्छ, जसले रगतमा ग्लुकोजको मात्रा घटाउन सहयोग गर्छ ।
कुल मिलाएर भन्नुपर्दा, फर्सीको मुन्टा एउटा यस्तो प्राकृतिक आहार हो, जसले शारीरिक तन्दुरुस्ती मात्र होइन, गम्भीर रोगहरूको रोकथाममा पनि उल्लेखनीय भूमिका खेल्न सक्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र