लण्डन । इंग्ल्याण्डका अनुभवी ब्याट्सम्यान जो रुट फेरि एकपटक नम्बर १ टेस्ट ब्याट्सम्यान बन्नुभएको छ । आइसिसीले जारी गरेको पछिल्लो वरीयतामा रुटले एक हप्ताभित्रै शीर्ष स्थान हासिल गर्नुभएको हो । लड्र्समा भारतविरुद्ध खेलिएको तेस्रो टेस्ट म्याचमा उत्कृष्ट प्रदर्शनबाट रुटलाई फाइदा भएको हो ।
लड्र्स टेस्ट म्याचमा रुटले १०४ र ४० रन बनाउनुभएको थियो, जसका कारण इंग्ल्याण्ड यो म्याच २२ रनले जित्न सफल भएको थियो । ३४ वर्षको उमेरमा रुट २०१४ मा कुमार संगाकारापछि टेस्ट वरीयतामा शीर्ष स्थानमा पुग्ने सबैभन्दा पाको उमेरका खेलाडी बन्नुभएको छ । संगाकारा २०१४ मा शीर्ष टेस्ट ब्याट्सम्यान बन्दा ३७ वर्षका हुनुहुन्थ्यो ।
रुटले गत हप्ता आफ्नै देशका हृयारी ब्रुकसँग आफ्नो शीर्ष स्थान गुमाउनुभएको थियो । जो अहिले तेस्रो स्थानमा झर्नुभएको छ । अर्कोतर्फ, भारतीय अलराउन्डर रवीन्द्र जडेजा पनि ब्याट्सम्यानको पछिल्लो वरीयतामा ३४औँ स्थानमा पुग्नुभएको छ ।
भारतीय ब्याट्सम्यान यशस्वी जयसवाल र उपकप्तान ऋषभ पन्त क्रमशः पाँचौं र आठौं स्थानमा झर्नुभएको छ । साथै, कप्तान शुभमन गिल पनि तीन स्थान गुमाएर नवौं स्थानमा पुग्नुभएको छ । यद्यपि, लड्र्स टेस्टमा राम्रो ब्याटिङबाट जडेजाले फाइदा उठाउनुभएको छ र ३४औँ स्थानमा पुग्नुभएको छ । तेस्रो टेस्टमा जडेजाले ७२ र अविजित ६१ रन बनाउनुभएको थियो । १०० र ३९ रन बनाउनुभएका केएल राहुल पनि पाँच स्थान सुधार गर्दै ३५औँ स्थानमा पुग्नुभएको छ । ब्याट र बल दुवैमा राम्रो प्रदर्शन गर्ने इंग्ल्याण्डका कप्तान बेन स्टोक्स ब्याट्सम्यानको वरीयतामा दुई स्थान माथि उक्लेर ४२औँ स्थानमा र बलरहरूमा एक स्थान माथि उक्लिनुभएको छ ।
बलरको वरीयतामा अस्ट्रेलियाली खेलाडीको बर्चस्व
भारतका स्टार फास्ट बलर जसप्रित बुमराह बलरहरूमा शीर्ष स्थानमा हुनुहुन्छ र दक्षिण अफ्रिकाका कागिसो रबाडाभन्दा ५० अंकले अगाडि रहनुभएको छ । अस्ट्रेलियाका फास्ट बलर स्कट बोलान्ड छ स्थान माथि उक्लिएर करियरकै उत्कृष्ट छैटौं स्थानमा पुग्नुभएको छ । बोलान्ड चार अन्य अस्ट्रेलियाली बलरहरू प्याट कमिन्स, जोश हेजलवुड, नाथन लियोन र मिचेल स्टार्कसँगै शीर्ष १० मा प्रवेश गर्नुभएको छ । बलरहरूको वरीयतामा अस्ट्रेलियाली खेलाडीहरूको बर्चस्व छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर