झापा । झापाको शिवसताक्षी नगरपालिका-११ स्थित निर्माणाधीन दूधे रंगशालामा आगामी कात्तिक १५ गतेदेखि २२ गतेसम्म देशकै सबैभन्दा ठूलो पुरस्कार राशिको महिला फुटबल प्रतियोगिता हुने भएको छ ।
आयोजक झापा महिला गोल्डकपले पत्रकार सम्मेलन गर्दै प्रतियोगिताको तयारीबारे जानकारी दिएको हो । प्रतियोगितामा आयोजक टोलीसहित त्रिभुवन आर्मी क्लब, एपिएफ क्लब, नेपाल प्रहरी, भारत र भुटानको एक–एक टोली तथा ‘ए’ डिभिजनका थप दुई टोली गरी कुल आठ टोलीको सहभागिता रहनेछ ।
आयोजक समितिका संयोजक सन्तोष थ्रोपा लिम्बूले प्रतियोगिता सम्पन्न गर्न करिब एक करोड रुपैयाँ खर्च लाग्ने जानकारी दिनुभयो । प्रतियोगिताको विजेता टोलीलाई हालसम्मकै सबैभन्दा ठूलो पुरस्कार राशिसहित सात लाख ५० हजार रुपैयाँ प्रदान गरिनेछ । यस्तै, विधागत रूपमा उत्कृष्ट खेलाडीहरूलाई पनि आकर्षक नगद पुरस्कार प्रदान गरिने बताइएको छ ।
पत्रकार सम्मेलनमा शिवसताक्षी नगरपालिकाका प्रमुख मेगाहाङ थ्रोपा रोशन, उपप्रमुख नरमाया कार्की, झापा-११ फुटबल क्लबका अध्यक्ष जलकुमार गुरुङलगायतले प्रतियोगिता सफल पार्न आवश्यक सहयोग गर्ने प्रतिबद्धता जनाउनुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर