काठमाडौं । नेपालस्थित बजाजको आधिकारिक बिक्रेता गोल्छा ग्रुपले चर्चित इलेक्ट्रिक स्कुटर ‘चेतक’ नेपालमा सार्वजनिक गरेको छ । कम्पनीले काठमाडौंको नक्सालमा नयाँ शोरुम र सर्भिस सेन्टर उद्घाटन गर्दै ‘चेतक ३५०१’ मोडेलको बिक्री सुरु गरेको हो । चेतकको मूल्य तीन लाख २४ हजार नौ सय रुपैयाँ तोकिएको छ ।
गोल्छा ग्रुपका निर्देशक अभिमन्यु गोल्छाका अनुसार चेतक नेपाली सडक र परिस्थितिमा अत्यन्तै सुहाउँदो इलेक्ट्रिक स्कुटर हो । जसमा १६० एमएमको ग्राउण्ड क्लियरेन्स रहेको छ । कम्पनीले चेतक परीक्षणका लागि लोमान्थाङसम्म लगेको थियो । ग्राहकको सबैभन्दा ठूलो चिन्ताको विषय आफ्टर सेल्स सर्भिसलाई ध्यानमा राख्दै कम्पनीले नेपालकै सबैभन्दा ठूलो इलेक्ट्रिक टु-हिृवलर सर्भिस सेन्टर स्थापना गरेको छ ।
कम्पनीका अनुसार चेतक ३५०१ मोडेल अत्याधुनिक प्रविधिले भरिपूर्ण छ । जसलाई कम्पनीको ‘चेतक एप’ मार्फत् मोबाइलबाटै नियन्त्रण गर्न सकिन्छ । मोबाइलबाटै स्कुटर लक गर्न सकिन्छ । निश्चित भौगोलिक क्षेत्र तोकेर त्योभन्दा बाहिर गएमा स्कुटर स्वतः बन्द हुन्छ भने स्कुटर कहाँ छ भनेर फोनबाटै हेर्न सकिन्छ । चाहेको स्पिडमा मिटर सेट गर्न सकिन्छ । साथै स्कुटर ढलेमा वा दुर्घटना भएमा मोबाइलमा नोटिफिकेसन आउने सुविधा पनि छ ।
चेतकमा ३.५ किलोवाटको ब्याट्री र ४.२ किलोवाटको पिक पावर मोटर जडान गरिएको छ । जसले उकालो बाटोमा पनि राम्रो पर्फर्मेन्स दिन्छ । एकपटकको फुल चार्जमा १५३ किलोमिटरको रेन्ज दिने र नेपाली सडकमा वास्तविक रेन्ज १३५ किलोमिटर छ । फास्ट चार्जिङ सुविधा रहेकाले तीन घण्टामा ८० प्रतिशतसम्म चार्ज हुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर