ताप्लेजुङ । साउन २४ गतेदेखि सुरु भएको तेस्रो अन्तर्राष्ट्रिय आमन्त्रण ताप्लेजुङ गोल्डकपको उपाधि सलहेश युवा क्लब सिरहाले जितेको छ । शनिबार सम्पन्न फाइनल खेलमा सलहेशले चर्च ब्वाइज युवा क्लब ललितपुरलाई दुई–शून्य गोल अन्तरले पराजित गर्दै विजेता बनेको हो ।
खेलको ७९औँ मिनेटमा सुरेन खड्काले पहिलो गोल गर्नुभएको थियो भने ८९औँं मिनेटमा युसुक मलिकले दोस्रो गोल थप्न सफल हुनुभएको थियो । ललितपुरले गोल फर्काउने प्रयास गरे पनि सफल नभएपछि उपविजेतामा चित्त बुझाएको छ ।
यसअघि सेमिफाइनलमा सलहेशले झापाको रेडस्टार फुटबल क्लबलाई दुई–शून्य गोल अन्तरले हराएको थियो । चर्च ब्वाइजले सुनसरीको दयङ ब्रदर्सलाई ट्राइबेकरमा तीन–एक गोल अन्तरले पराजित गर्दै फाइनलमा प्रवेश गरेको थियो ।
गत वर्ष उपविजेता बनेको सलहेश युवा क्लबले यसपटक कमजोरी सच्याएर उपाधि आफ्नो पोल्टामा पारेको हो । क्लबमा चार विदेशी खेलाडीसमेत समावेश छन् । चर्च ब्वाइजले भने विदेशी खेलाडीबिना प्रतिस्पर्धा गरेरै फाइनलसम्मको यात्रा तय गर्न सफल भएको हो ।
सलहेशले प्रतियोगिताभर क्वाटर फाइनल र सेमिफाइनलमा कुनै गोल नखाएर फाइनलमा पुगेको थियो । सोही क्रमलाई निरन्तरता दिँदै उसले उपाधि हात पारेको हो । चर्च ब्वाइजले कठिन जितमार्फत् फाइनलसम्म पुगे पनि उपाधि जित्न असफल रहृयो । आयोजक लाखेजात्रा सञ्चालक समितिका कोषाध्यक्ष दावा शेर्पाका अनुसार विजेताले सात लाख दुई हजार ८२ रुपैयाँसहित ट्रफी, मेडल र प्रमाणपत्र प्राप्त गरेका छन् । उपविजेता बनेको चर्च ब्वाइजले तीन लाख ५० हजार ८२ सहित ट्रफी, मेडल र प्रमाणपत्र हात पारेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर