काठमाडौं । नेपाल-अमेरिका चेम्बर अफ कमर्स एण्ड इन्डस्ट्रीले गत सेप्टेम्बरमा सम्पन्न व्यापार तथा लगानी रूपरेखा सम्झौता परिषद्(टिफा) बैठकमा गरिएका प्रतिबद्धता तत्काल कार्यान्वयन गर्न उद्योग, वाणिज्य तथा आपूर्ति मन्त्रालयलाई आग्रह गरेको छ । चेम्बरले सोमबार एक विज्ञप्ति जारी गर्दै मन्त्रालयलाई उक्त आग्रह गरेको हो ।
सो बैठकमा व्यापार र लगानी आकर्षित गर्न विशेषगरी बौद्धिक सम्पत्ति-गहन उद्योगहरूमा प्रभावकारी बौद्धिक सम्पत्ति अधिकार संरक्षण र कार्यान्वयनको महत्वलाई मुख्य कारकका रूपमा जोड दिइएको थियो । चेम्बरले बौद्धिक सम्पत्तिसँग सम्बन्धित कानुनी र संस्थागत सुधारमा नेपालको बौद्धिक सम्पत्ति कार्यालयभित्र स्थिरता र विश्वसनीयता बढाउन ट्रेडमार्क प्रशासनमा सुधार र प्राविधिक विशेषज्ञता विकासमार्फत् परीक्षण आवश्यक रहेको जनाएको छ । चेम्बरले लामो समयदेखि बौद्धिक सम्पत्ति अधिकारसम्बन्धी मुद्दामा विभिन्न कार्यशाला आयोजना गर्दै अन्तर्राष्ट्रिय तथा स्वदेशी कम्पनी ट्रेडमार्क र लेबलहरू प्रयोग तथा दुरूपयोगबारेमा व्यापारिक समुदायमा जागरूकता जगाएर बौद्धिक सम्पत्ति अधिकारको बलियो संरक्षणका लागि वकालत गर्दै आएको छ । चेम्बरद्वारा जारी विज्ञप्तिमा भनिएको छ, ‘ट्रेडमार्क र नक्कली लेबलहरूको अनुचित प्रयोगले नेपालको छविमा घरेलु रूपमा मात्र हानी नभई अन्तर्राष्ट्रियस्तरमा समेत प्रतिष्ठा कमजोर बनाउँछ, जसले गर्दा सम्भावित विदेशी लगानी निरुत्साहित हुन्छ ।’
सोही सन्दर्भमा काठमाडौं महानगरपालिकाले जारी गरेको गलत ब्राण्डिङ, लेबलिङ र भ्रामक विज्ञापनबारेको सूचनाको चेम्बरका महासचिव सञ्जयकुमार अग्रवालले स्वागत गर्नुभएको छ । उहाँले उल्लेख गर्नुभएको छ, ‘यस विषयमा काठमाडौं महानगरपालिकासँग हाम्रो ऐक्यबद्धता व्यक्त गर्दछौं, सम्बन्धित सबै सरोकारवालालाई अन्तर्राष्ट्रिय र स्वदेशी कम्पनी ट्रेडमार्क र लेबल अनधिकृत प्रयोगबाट टाढा रहनसमेत आग्रह गर्दछौं ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर