न्युयोर्क । नेपाली जनसम्पर्क समिति, अमेरिकाले आफ्नो अधिवेशन प्रक्रिया औपचारिक रूपमा सुरु गरेको छ । नेपाली कांग्रेसले विदेशस्थित सबै जनसम्पर्क समितिहरूको अधिवेशन यसै वर्षभित्र सम्पन्न गर्ने निर्णयअनुरूप अमेरिकास्थित समितिले तयारी अघि बढाएको नेपाली जनसम्पर्क समिति प्रमुख, प्रचार विभाग एवं केन्द्रीय सदस्य गौतम दाहालले एक विज्ञप्ति जारी गरी जानकारी दिनुभयो ।
पार्टीको निर्णयअनुसार समन्वय विभागले सबै जनसम्पर्क समितिलाई लिखित निर्देशन पठाइसकेपछि अमेरिकास्थित समितिले यही मंगलबार केन्द्रीय नेतृत्व तथा च्याप्टर अध्यक्षहरूको संयुक्त बैठक बसेर अधिवेशन प्रक्रिया सुरु गर्ने निर्णय गरेको थियो । बैठक समितिका सभापति आनन्द विष्टको अध्यक्षतामा सम्पन्न भएको थियो ।
गत असार १६ मा सम्पन्न नेपाली कांग्रेसको केन्द्रीय समिति बैठकले अधिवेशन बाँकी रहेका सबै जनसम्पर्क समितिहरूमा आगामी ६ महिनाभित्र नयाँ नेतृत्व चयन गर्नेगरी अधिवेशन सम्पन्न गर्न निर्देशन दिएको थियो । त्यसैअनुसार समन्वय विभाग प्रमुख किरणराज शर्मा पौडेलले लिखित पत्राचार गरी सदस्यता वितरण, नवीकरण र अधिवेशन तालिका तय गरी केन्द्रमा पेस गर्न निर्देशन दिनुभएको थियो ।
निर्देशनअनुसार आगामी असोज मसान्तभित्र सदस्यता वितरण तथा नवीकरण सम्पन्न गरी केन्द्रमा पठाउनुपर्ने र पुस मसान्तभित्र अधिवेशन सम्पन्न गर्नुपर्ने उल्लेख छ । यससँगै समितिले अमेरिकाभर सदस्यता वितरण र क्रियाशील सदस्यता नवीकरण खुला गर्ने निर्णय गरेको छ ।
ADVERTISEMENT
बैठकमा सहभागी च्याप्टर नेतृत्वहरूले अधिवेशन प्रक्रियाले अमेरिकामा रहेका कांग्रेस कार्यकर्तामा उत्साह थपिएको बताएका थिए । उनीहरूले अधिवेशनलाई सफल बनाउन सक्दो सक्रियता जनाउने प्रतिबद्धतासमेत व्यक्त गरे ।
बैठकको समापनमा सभापति विष्टले पार्टीले दिएको निर्देशनको स्वागत गर्दै सदस्यता वितरण, च्याप्टर अधिवेशन तथा अन्य आवश्यक प्रक्रियाहरूलाई कार्यतालिका बनाएर अघि बढ्ने निर्णय सुनाउनुभयो ।
हाल अमेरिकाभर २८ भन्दा बढी च्याप्टर समितिहरू रहेका छन् । सभापति विष्टले अब अधिवेशनसम्बन्धी बाँकी प्रक्रिया चाँडैै केन्द्रीय समितिको बैठक बसी निर्णयअनुसार अघि बढाइने जानकारी पनि दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
विष्णुपुराण संक्षिप्त चर्चा
हात्ती आयो हात्ती आयो फुस्सा
नेपालीमूलका रानाभाट दम्पती बेलायतको लन्डन
निजी क्षेत्रलाई विश्वासमा लिएर लगानीको
साहित्य परिषद् भूटानको अध्यक्षमा खेम