ओखलढुंगा । नेपाली कांग्रेस ओखलढुंगाका पुराना नेता होमबहादुर श्रेष्ठको निधन भएको छ । २०८२ साल भदौ १२ गते, नेपाल प्रहरी अस्पताल महाराजगञ्जमा उपचारको क्रममा ८६ वर्षको उमेरमा उहाँले अन्तिम सास फेरिरहनुभयो । श्रेष्ठको निधन आन्द्रा क्यान्सरबाट लामो समय उपचाररत अवस्थामा भएको थियो । उहाँको परिवारमा धर्मपत्नी प्रेमकुमारी श्रेष्ठ, छोराहरू सीताराम, राम्जी, शिबजी, रामविनय र केन्द्र श्रेष्ठ, र छोरीहरू बिमला, कल्पना, बिनिता र रेखा श्रेष्ठ हुनुहुन्छ ।
१९९७ साल बैशाख ३ गते जन्मिनुभका श्रेष्ठको राजनीतिक जीवन प्रजातन्त्र र समाज परिवर्तनको लागि समर्पित थियो । २००७ सालमा नेपाली कांग्रेसको क्रान्तिमा उहाँ बाल्यकालमै संलग्न हुनुभएको थियो । त्यतिबेला उहाँका बुबा सुर्यबहादुर श्रेष्ठ क्रान्तिमा संलग्न भएको आरोपमा गिरफ्तार भए र भोजपुर जेल पठाइनुभएको थियो । प्रजातन्त्र स्थापना भएपछि उहाँले कांग्रेसको विभिन्न कार्यक्रम र संगठनमा सक्रिय सहभागिता जनाउनुभयो ।
बि.सं २०४६ सालमा बहुदलीय प्रजातन्त्रको स्थापना पश्चात् उहाँ ओखलढुंगा गाउँ विकास समितिको सभापतिमा चयन भएर कांग्रेसको संगठन सुदृढ गर्न योगदान दिनुभयो । २०४९ सालको चुनावमा चुनावी कमाण्डरका रूपमा पार्टीलाई जिताउन मद्दत गर्नुभएको थियो । २०५४ सालमा स्थानीय तहको चुनावमा वडाअध्यक्षको उम्मेदवारी दिनुभयो भने, त्यसपछि पद नखोजी पार्टीलाई सहयोग गर्दै आउनुभयो । श्रेष्ठको निधनले नेपाली कांग्रेस ओखलढुंगामा अपूरणीय क्षति पुगेको सभापति तेजेन्द्र खनालले बताउनुभयो ।
उहाँको अन्तिम यात्रा पशुपति आर्यघाटमा सम्पन्न भयो । पार्टीका केन्द्रीय सदस्य एवं प्रतिनिधि सभा सदस्य रामहरी खतिवडा, प्रदीपकुमार सुनुवार, पार्टी सभापति तेजेन्द्र खनाल, तथा अन्य वरिष्ठ नेताहरूले चारतारे झण्डा ओढाएर अन्तिम श्रद्धान्जलि अर्पण गर्नुभएको थियो । नेपाल प्रहरी, सशस्त्र प्रहरी र नेपाली सेनाका उच्च अधिकारीहरूले शवयात्रामा सलामी दिएका थिए ।
नेपाली कांग्रेसका अन्य वरिष्ठ नेता जस्तै डा. शेखर कोइराला, सुजाता कोइराला, स्वास्थ्य मन्त्री प्रदिप पौडेल र काठमाडौं महानगरपालिकाकी उपप्रमुख सुनिता डंगोलले पनि सहभागी भई समवेदना प्रकट गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
हेटौँडामा ग्यासको चर्को अभाव, चार–पाँच
सीमा क्षेत्रबाट अवैध सामान तथा
संविधान संशोधन गर्दा संवेदनशीलता बुझ्नुपर्छ
पर्यटकको बसाइ लम्ब्याउन सुविधासम्पन्न होटल
सामाजिक सञ्जालको दुरुपयोग र वित्तीय
टेलिभिजनमा फर्किए ‘हर्के हल्दार’