काठमाडौं । नयाँ बानेश्वरमा भएको जेनजी आन्दोलनको उग्र प्रदर्शन क्रममा प्रहरीको रबरको गोली लागेर कान्तिपुर टेलिभिजनका पत्रकार श्याम श्रेष्ठ घाइते भएका छन् ।
प्रदर्शनको दृश्य संकलनका क्रममा श्रेष्ठको पाखुरामा गोली लागेको हो । उनलाई तत्कालै सिभिल अस्पताल लगिएको र अहिले उपचार भइरहेको जनाइएको छ ।
माइतीघरबाट सुरु भएको प्रदर्शन अनियन्त्रित बन्दै संसद भवनभित्रै पुगेको थियो । आन्दोलनकारीलाई रोक्ने प्रहरीको प्रयास असफल भएपछि अश्रुग्यास प्रहारसँगै रबरको गोलीसमेत प्रयोग गरिएको हो । स्थिती सामान्य नभएपछि गृहमन्त्रालयले कर्फ्यु लगाउने आदेश दिएकाे थियाे ।
गृहमन्त्रालयले अहिले कर्फ्युकाे आदेश दिए सँगै बानेश्वर क्षेत्रमा नेपाली सेना पुगिसकेकाे छ । प्रदर्शनकारीले निषेधित क्षेत्र तोड्दै संसद भवन छिरेपछि कर्फ्यू लगाइएको थियो । त्यसपछि सेना परिचालन भएको हो ।







म्याग्दी विपद् संकटग्रस्त जिल्ला घोषित,
मन्त्रिपरिषद्को निर्णयः बिटौरी जग्गामा बसोवास
पोखरामा स्कुल बस दुर्घटना :
पोखरेबगर पुलको पहुँचमार्ग जोडियो, शनिबारसम्म
सरकारले सिफारिसमा राष्ट्रपतिद्वारा अध्यादेश जारी
पचरौता नगरपालिकाका वडाध्यक्षविरुद्धको भ्रष्टाचार मुद्दामा