काठमाडौं । राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पहिलोपटक काठमाडौं–ग्वाङ्जाउ–काठमाडौं सिधा उडान सेवा सुरु गर्ने भएको छ । निगमका कार्यकारी अध्यक्ष युवराज अधिकारीका अनुसार आगामी असोज ९ गतेदेखि उडान सुरु हुनेछ । निगमले हरेक हप्ता तीनवटा नियमित उडान गर्ने तालिका तय गरेको छ ।
पहिलो उडान असोज ९ गते, दोस्रो असोज १२ गते हुने र त्यसपछि असोज ३०, कात्तिक २ र ६ गते हुने उडान हुनेछ । त्यसपछि प्रत्येक आइतबार, मंगलबार र शनिबार ग्वाङ्जाउतर्फ सिधा उडान हुनेछ । काठमाडौंबाट ग्वाङ्जाउसम्मको एकतर्फी भाडादर ३० हजार र दोहोरो टिकट ५० हजार रुपैयाँ तोकिएको छ ।
अध्यक्ष अधिकारीले लामो समयको प्रयासपछि चीनको महत्वपूर्ण शहरमा उडान सेवा विस्तार गर्न सफल भएको बताउनुभयो । निगमले निकट भविष्यमै काठमाडौंबाट कोरिया र अष्ट्रेलियातर्फ पनि सिधा उडान सुरु गर्ने तयारी गरिरहेको जनाएको छ । हाल नेपाल एयरलाइन्ससँग रहेका दुर्ईवटा न्यारोबडी र दुर्ईवटा वाइडबडी जहाजमार्फत् कतारको दोहा, मलेसियाको क्वालालम्पुर, संयुक्त अरब इमिरेट्सको दुबई, हङकङ, भारतका दिल्ली, मुम्बई र बैंग्लोर, थाइल्याण्डको बैंकक, साउदी अरबको दमाम र जापानको नारितामा अन्तर्राष्ट्रिय उडान भइरहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बर्दियामा छुट्टाछुट्टै दुर्घटनामा दुई जनाको
नेपालभन्दा बाहिर गएर प्रतियोगिता जित्नु
विपद्को पीडाबीच आएको तीज, भक्तजन
चीनले इरानलाई सूचना दिएको खबर
भोटेकोशी बाढीबाट कृषि क्षेत्रमा रु
बालबालिकामा गरिने लगानी राष्ट्रको सुखद