काठमाडौं । वरिष्ठ समालोचक तथा निबन्धकार प्राडा.लक्ष्मणप्रसाद गौतमको निबन्धकृति ‘समवेत’को लोकार्पण गरिएको छ । काठमाडौंमा आयोजित एक कार्यक्रममा वरिष्ठ साहित्यकार पवन आलोक, समालोचक प्राडा.ज्ञानु पाण्डे, वरिष्ठ समालोचक प्रमोद प्रधान, वरिष्ठ निबन्धकार श्रीओम श्रेष्ठ ‘रोदन’ र प्राडा.गौतमलगायतले उक्त कृतिको लोकार्पण गर्नुभएको हो ।
कृतिबारे समीक्षात्मक मन्तव्य व्यक्त गर्दै प्रधानले २१ वटा निबन्धहरूमा कवित्व चेत प्रखर बनेर आएको बताउनुभयो । उहाँले पुस्तकप्रेमलाई मान्छेसँग तुलना गरी जीवनलाई गहिरिएर अध्ययनद्वारा निबन्ध लेखनी भएको बताउनुभयो ।
‘गौतमका निबन्धहरू पाठक र लेखकबीचको सम्बन्धलाई निकट बनाउने गरी लेखिएको छ । निबन्धहरूमा सम्बोधन शैलीको प्रयोग भएको छ,’ उहाँले भन्नुभयो ।
अर्की समीक्षक प्राडा.पाण्डेले समवेत धेरै थरी रंगको विचारको एकिकृत आवाज भएको बताउनुभयो । ‘मान्छे धेरै पत्र बाँचेको प्राणी हो भन्ने कुरालाई निबन्धहरूले वताउँछन् । समाजको आँखामा राम्रो देखिन मान्छे आफैंलाई ढाँट्छ भन्ने मानवीय प्रवृत्तिलाई प्रायःनिबन्धले जोडेका छन्,’ पाण्डेले भन्नुभयो ।
नेपाल स्रष्टा समाजका अध्यक्ष श्रीओम श्रेष्ठ ‘रोदन’ले निबन्धकार हुनु गाह्रो कार्य भएको बताउँदै आत्मपरक निबन्धमा गौतमको गौरव गर्न लायक कृति आएको बताउनुभयो । समवेतका स्रष्टा प्राडा.गौतमले निबन्धमा आफैंलाई लेखेको बताउनुभयो । आफूलाई समालोचना गर्न भीडमा पनि सजिलो हुने तर निबन्ध सिर्जना गर्न गाह्रो हुने सुनाउनुभयो ।
नेपाल स्रष्टा समाज, केन्द्रीय समितिको आयोजनामा भएको उक्त लोकार्पण कार्यक्रममा वरिष्ठ साहित्यकार एवं समाजका संरक्षक पवन आलोकले शुभकामना मन्तब्य व्यक्त गर्नुभएको थियो । कार्यक्रमको सञ्चालन सदस्य मधु पाठकले गर्नुभएको थियो भने स्वागत सचिव प्रकाश घायलले गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर