कैलाली । कैलालीको गोदावरी नगरपालिका – १० खमैरामा मध्यरातमा घरमै आएर मार्ने भन्दै ढोका तोड्न थालेपछि पछाडिको ढोकाबाट भागेका शेरबहादुर चौधरी मृत फेला परेका छन् । छिमेकी लोकेन्द्र मल्ल (लक्की) र उनका सहोदर भाइ डडेल्धुराको गन्यापधुराका विकास मल्लले असोज २३ गते राती २ बजे ढोकामा हान्दै मार्ने धम्की दिएपछि पछाडिको ढोकाबाट भागका शेरबहादुर असोज २४ गते घर नजिकै खोलामा मृत फेला परेका हुन् ।
राती घरभित्रै मारिने डरले भागेका शेर बहादुरको शव घर नजिकै ओलानी र गोदावरी नदी मिल्ने दोभानमा फेला परेको इलाका प्रहरी कार्यालय मालाखेतीका डिएसपी रणबहादुर चन्दले बताउनु भयो ।
डिएसपी चन्दका अनुसार मृतकका भाइ रमेश चौधरी सँगै मदिरा सेवन गरेका लक्की र विकास सँग अत्तरियाको एक डान्स बारमा विवाद भएपछि शेरबहादुर आफ्नो भाइलाई लिएर घर गएका थिए । डान्स बारमा रमेशले आफूलाई कुटेको बताएपछि छिमेकी नवराज भट्ट सँगै अत्तरिया आएका मृतक शेरबहादुरले पनि आफ्नो भाइकालाई कुटेको भन्दै लक्की र विकासलाई एक दुई मुक्का हानेका थिए ।
पछि शेरबहादुरकै घरमा पुगेका लक्की र विकासले लाठीले हानेर घरको अगाडीको ढोका फुटाए पछि शेरबहादुर भागेका थिए । घरबाट भागेपछि बेपत्ता भएका शेरबहादुरको शव दोस्रो दिन फेला परेको हो ।
मृतकका आफन्तले घरको ढोकामा हान्दै मार्ने धम्की दिएका लक्की र विकासले नै शेरबहादुरलाई लखेटी लखेटी मारेको भन्दै इलाका प्रहरी कार्यालय मालाखेतीमा किटानी जाहेरी दिएका छन् ।
मृतकका भाइ रमेश चौधरीले दाइ घरबाट भाग्ने बित्तिकै पिछा गरेर उनीहरूले नै मारेर खोलामा फालेको बताए । उनले दाइको हत्या गर्नेलाई कडा कारबाही हुनु पर्ने माग समेत गरेका छन् ।
मृतककी भाइ बुहारी सलिना चौधरीले आफ्नो श्रीमानलाई पनि मार्ने धम्की दिएको भन्दै आफूहरू असुरक्षित भएको बताउनु भयो । उहाँले आफ्नो जेठाजुलाई मार्नेलाई कारबाही सँगै आफ्नो परिवारको जिउ ज्यानको सुरक्षा हुनुपर्ने बताउनु भयो ।
डिएसपी चन्दले घटनाको अनुसन्धान जारी रहेको बताउँदै पोस्टमार्टम गरेर शव आफन्तलाई बुझाइएको बताउनु भयो । उहाँले पोस्टमार्टम रिपोर्ट आएपछि घटनाको बारेमा थप जानकारी खुल्ने बताउनु भयो ।
उहाँले लक्की र विकास शेरबहादुरको घरबाट फर्किएर मृतक सँगै अत्तरिया आएका नवराजको घरमा पनि पुगेर होहल्ला गर्न थालेपछि प्रहरीलाई खबर भएको र, सोही समयमा दुवै जनालाई पक्राउ गरी नियन्त्रणमा राखिएको बताउनु भयो ।
नवराजले भने सोही राती लक्की र विकास आफूलाई पनि मार्न आएको हुन सक्ने बताउँदै प्रहरीलाई खबर गरेपछि ज्यान जोगिएको बताउनु भएको छ। उहाँले घटना पछि गाउँ नै त्रसित भएको बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच