काठमाडौं । अन्तर्राष्ट्रिय नेपाली साहित्य समाज (अनेसास) ले यस वर्षको ‘अनेसास राम लामा अविनाशी विशिष्ट प्रतिभा पुरस्कार’ प्राध्यापक डा.खगेन्द्रप्रसाद लुइँटेललाई प्रदान गर्ने भएको छ । अनेसासका महासचिव शिव लामिछानेद्वारा हस्ताक्षरित विज्ञप्ति अनुसार, नेपाली भाषा र साहित्यको विकास, विस्तार र अन्तर्राष्ट्रियकरणमा उल्लेखनीय योगदान पु¥याएका व्यक्तित्वहरूलाई हरेक दुई वर्षमा यो पुरस्कार प्रदान गर्दै आएको छ ।
गत सेप्टेम्बर ९ मा बसेको अनेसास बोर्ड अफ ट्रस्टिज कार्यसमितिको बैठकले पुरस्कार समितिको सिफारिसमा तीन सदस्यीय सर्वोत्कृष्ट प्रतिभा छनौट समिति गठन गरी यस वर्षको पुरस्कारका लागि योग्य व्यक्तिको नाम सिफारिश गर्ने जिम्मेवारी दिएको थियो । सो समितिले अक्टोबर ९ मा बसेको बैठकमार्फत त्रिभुवन विश्वविद्यालयका प्राध्यापक डा.लुइँटेलको नाम सिफारिश गरेको हो ।
विज्ञप्तिमा जनाइए अनुसार, डा.लुइँटेलले नेपाली भाषासाहित्यको विकास, विस्तार, संवर्धन र संरक्षणमा आप्रवासी समुदायभित्र रही दिएको योगदान, नेपाली भाषाको अन्तर्राष्ट्रियकरण, मानकीकरणमा सक्रिय भूमिका, साथै अनेसासको संस्थागत सुदृढीकरण र विकासमा पु¥याएको उल्लेखनीय योगदानका आधारमा उहाँलाई यो पुरस्कारका लागि सिफारिश गरिएको हो ।
अमेरिकाको क्यालिफोर्निया निवासी साहित्यकार राम लामा अविनाशीले प्रायोजन गरेको यो पुरस्कारको राशी हाल २५ सय अमेरिकी डलर रहेको छ । यसअघि सन् २०१७ मा अनेसासका संस्थापक अध्यक्ष होमनाथ सुवेदीलाई यो पुरस्कार प्रदान गरिएको थियो । त्यसबेला पुरस्कारको राशी दुई हजार अमेरिकी डलर थियो ।
अनेसासका अनुसार, प्राडा.लुइँटेललाई यो प्रतिष्ठित पुरस्कार आगामी नोभेम्बर १० मा अमेरिकाको वासिंटन डिसीमा आयोजना हुने अनेसास सर्वोत्कृष्ट पुस्तक पुरस्कार वितरण समारोहका अवसरमा प्रदान गरिनेछ । यो पुरस्कार अनेसासले प्रदान गर्दै आएको हालसम्मको सबैभन्दा ठूलो राशीको पुरस्कार हो ।
विज्ञप्तिमा भनिएको छ, ‘डा.लुइँटेलले नेपाली भाषासाहित्यलाई अन्तर्राष्ट्रिय स्तरमा पुर्याउन निरन्तर योगदान दिइरहनुभएको छ । अनेसास उहाँको योगदानको उच्च मूल्यांकन गर्दै यसपटक उहाँलाई यो विशिष्ट प्रतिभा पुरस्कारद्वारा सम्मानित गर्न गइरहेको छ ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
मत्स्य केन्द्रद्वारा चार करोड ३८
समयमै काम नसक्ने सात निर्माण
चोलुङ पार्कमा सिरिजङ्गा पाण्डुलिपि विज्ञानालय
वीरगन्जमा ट्याङ्करबाट तेल चोरी गर्दै
स्कुटर यात्रामा बेहोस भएका युवकको
वर्षाले सडक सञ्जाल प्रभावित, यात्रामा