चितवन । कालिका नगरपालिका-७ भटेनीस्थित श्री पृथ्वी माध्यमिक विद्यालयको परिसरमा विद्यालयका विद्यार्थीहरूलाई लक्षित गरी निःशुल्क तीनदिने दन्त शिविर सम्पन्न भएको छ । चितवन सहायताको बेल्जियम, मेडोरा बेल्जियम र सामुदायिक सहयोग केन्द्र नेपालको संयुक्त आयोजनामा सञ्चालन भएको उक्त दन्त शिविरको उद्घाटन कालिका नगरपालिकाका प्रमुख विनोद रेग्मीले गर्नुभएको थियो । कार्यक्रम पृथ्वी मावि व्यवस्थापन समितिका अध्यक्ष अमृत लामिछानेको अध्यक्षतामा सम्पन्न भएको हो ।
कार्यक्रममा विशिष्ट अतिथिका रूपमा चितवन सहायता कोष (बेल्जियम) का अध्यक्ष ईश्वरी कँडेल, संस्थापक अध्यक्ष सीता सापकोटा, निवर्तमान अध्यक्षहरू पार्वती अधिकारी र दिनेश भण्डारी, सामुदायिक सहायता केन्द्रका सचिव रामचन्द्र न्यौपाने, कार्यक्रम प्रमुख बासु अधिकारी, विद्यालयका प्रधानाध्यापक सूर्यभक्त अधिकारीलगायतको उपस्थिति थियो । साथै पत्रकार सिर्जना अर्याल, विद्यालय व्यवस्थापन समितिका सदस्यहरू, चितवन सहायताको प्रतिनिधि तथा मेडोरा बेल्जियमका सदस्यहरू पनि उपस्थित थिए ।
प्रधानाध्यापक सूर्यभक्त अधिकारीले स्वागत मन्तव्य दिनुभएको थियो । तीन दिनसम्म सञ्चालन भएको शिविरबाट करिब ७०० जना विद्यार्थीको दन्त परीक्षण तथा उपचार गरिएको थियो । कार्यक्रमका प्रमुख अतिथि रेग्मीले विद्यालयस्तरमै स्वास्थ्य सचेतना र दन्त उपचारका यस्ता कार्यक्रम आवश्यक रहेको बताउनुभयो । समापन मन्तव्य दिँदै अध्यक्ष लामिछानेले तीन दिनसम्म निरन्तर खटिएका चिकित्सक तथा सहयोगीहरूप्रति धन्यवाद ज्ञापन गर्नुभयो । बेल्जियममा आधारित चितवन सहायता कोषले सन् २०६५ सालदेखि शिक्षा र स्वास्थ्य क्षेत्रमा निरन्तर सहयोग गर्दै आएको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
निजामती सेवामा व्यापक पुनःसंरचनाको तयारी
ठेक्का प्रक्रियामा अनियमितता : प्रतिस्पर्धीलाई
धान बालीमा कृषि यान्त्रीकरण :
फिफा विश्वकप २०२६ हेर्न डिशहोमको
भेडा-भेडासँग बाख्रा-बाख्रासँग
मध्यपूर्वको अवस्था सहज भएसँगै पेट्रोलियम